Mark 9:18 - Kice Manito Ocki Omirwatcimowin

¹⁸ Tatwaw e macikakotc anihi matci manitowa, wepicimiko motcik e micta pictewotamotc. Kakiceapitecin acitc e micta tcitowaskositc, kaskina e itikititc. Ni ki tca nataweritamawawok kiwitcewakanak kitci orowiticohwatcik anihi matci manitowa, nama aric ki otci kackihewok.”

Mark 9:18 Iomraidhean Croise

Matio 15:22

Tapan neta peikw iskwew, Canaan askik itekera e otcirikopanen otaniskotape omocoma. Anahwe iskwew ki pe natcikapowictawew Cecoca, e tepwatatc: “Teperitcikein, Tapit Okosa, kitimakerimici! Nitanis mictahi nekatcihiko matci manitowa e ki pitciteheckakotc!”

Matio 17:16

Kiwitcewakanak ni ki iciwitowawok, nama aric ki otci kackihewok kitci kikehatcik.”

Matio 8:12

Aric aniki kotakihik ka ki itacterikipan kitci taciketcik neta, kata orowepinakaniwiwok, e ici kiski tipiskarik kitci iciwepinakaniwitcik. Ekota ni ke taci matotcik kirika kitci kakiceapitecikik.”

Mark 11:23

Kecpin awik itate aniheriw matinaciciriw, ‘Atcitica nta, pakope kwackoti nta nipik,’ kecpin aka e anwetak otehik, e tapwetak tca aniheriw ka ki itetc kitci isparinik, tapwe kata ispariniw, wir otci.

Mark 9:17

Peikw neta otci arimwew iriniw taci e micta mitcetinaniwonik: “Kiskinohamake iriniw, ki ki pe iciwitatin nikosis kitci witcihatc, osam e ki pitciteheckakotc matci manitowa. Nama tca ki arimwew.

Mark 9:19

Aci itikowok Cecoca: “Wesa kirawaw, aka ka asperimototawiekw! Tan irikik ke actek kitci witci tacikemitakok? Tan kaie irikik ke actek kitci witcihitakok? Pecowakw anahwe awacic.”

Mark 9:20

Ekoni e ici iciwitowakaniwitc Cecoc anihi awaca. Anahwe matci manito, kotc e wapamatc Cecoca, ki micta aiatciparihew anihi awaca. Ekoni e ici pakiciniritci motcik e kwekwetipiparihoritci. Micta pictewotamoriw.

Mark 9:26

Ekoni ka ici micta nanotakositc anahwe matci manito. Kaketin aiatciparihew anihi awaca, e tca orowitc. Anahwe ockinikicic, mia e nipotc icinakosiw. Kaskina awik itew: “Nipo ni anahwe!”

Ka ki aitotiskeritci Cecoc otarotakana 7:54

Ka petakik aniheriw Étienna ka ki iteritci aniki Ka Kitci Tipaskoniketcik neta ka tacikewaspan, micta kiciwasipanak. Irinikotc micta kakiceapitecinopanak e apitc kicimikotcik.

Jude 1:13

Peikon kaie iteritakosiwok, mia e icinakonik kitcikamik e micta mitcahanik. E tca pe iti nokonik pictewonik e ometciwonik apitc e micta mitcahanik, ekoni peikon e ici wapatihiwetcik ko omatci totamowiniwaw aniki iriniwok e micta waneritakonik. Mitowi kaie atcikocak ka pa miparitcik iteritakosiwok. Kanaweritamakowok Kice Manitowa tacikewiniw nespitc ke ici taciketcik, neta e ici mawotci kiski tipiskarik.