Mark 9:1 - Kice Manito Ocki Omirwatcimowin

¹ “Tapwe ohwe ka witamatakok: atita ota ka taciketcik nama kata nipowok epwamoci wapatakawe Kice Manitowa Okimawiniw e takociparinik e micta mackawisimakanik.”

Mark 9:1 Iomraidhean Croise

Matio 16:28

Tapwe ohwe ka witamatakok: atita ota ka taciketcik nama kata nipowok epwamoci wapamatcik anihi Ka ki pe iriniwihitisoritci e pe nta okimawiritci.”

Matio 24:30

Aci kekocic kata nokon waskok, kitci otci kiskeritakok aci kekatc kitci pe takocik anahwe Ka ki pe iriniwihitisotc. Aci kaskina iriniwok ota askik kata matowok, kitci kackeritakik. Kata wapamewok anihi Ka ki pe iriniwihitisoritci, oskok kitci otci pe nokosiritci, minawatc pe icaritena, e mackawisiritci kirika e icperitakosiritci.

Matio 25:31

“Apitc pe koski takocike anahwe Ka ki pe iriniwihitisotc oticperitakosiwinik, kirika kaskina aceriwok e pe witcewikotc, kata pe nta apiw okimaw tetapiwakanik kitci okimawitc.

Mark 13:26

Kata tca wapamakaniwiw anahwe Ka ki pe iriniwihitisotc, oskok kitci otci pe nokositc minawatc pe takocike, e mackawisitc kirika e icperitakositc.

Mark 13:30

Tapwe ohwe ka witamatakok: anotc ka pimatisitcik iriniwok nama moci kaskina kata nipowok epwamoci kaskina aniheriw pe iciwepanik.

Luc Omasinahikan 2:26

kirika ki witamakokopan aka kitci nipotc epwamoci wapamatc anihi ke pe iciticohokoritci Teperitcikeritci kitci akwacimiweritci.

Luc Omasinahikan 22:18

Ki witamatinawaw tca: aci anotc nama awocamec ni ka minikwan minicapo, nac kitci pe otcitciparinik Kice Manito Okimawin.”

Luc Omasinahikan 22:30

Ki ka witci mitcisominawaw acitc ki ka witci minikweminawaw nete Nokimawinik. Kirika e taciekw papeikw okimaw tetapiwakanik ki ka apinawaw, kitci tipaskonekok Israël iriniwok e mitato acitc nicw otenwesitcik.”

Luc Omasinahikan 9:27

Tapwe ohwe ka witamatakok: atita ota e taciketcik nama kata nipowok epwamoci wapatakawe Kice Manitowa Okimawiniw.”

Jean 21:23

Ekoni kaskina awik e petaketc aka kitci niporitci anihi Cecoc owitcewakana ka sakihaspan. Aric Cecoc nama ki otci itepan Piena: “Nama wiskat kata nipo,” aric ki itepan: “Kecpin nin e nataweritaman kitci pimatisitc nac minawatc kitci takocinian, nama wiec iteritakon kir otci.”

Hébreux iriniwok 2:9

Aric ki ketcinaweritenano ohwe ka ki pe iciwepak: Cecoc ki mirakaniwiw kitci pe iriniwitc, memacic aka kitci asitci kicteritakositc kirika aceriwok, kitci ki nipotc kaskina iriniwa otci, e ki ici cawerimikotc Kice Manitowa e miroteheritci. Anotc aci ki wapatenano e ki mirakaniwitc icperitakosiwiniw kirika kicteritamowiniw, osam e ki nekatcitatc kirika e ki nipotc.