Mark 8:34 - Kice Manito Ocki Omirwatcimowin

³⁴ Minawatc Cecoc ki wicamew anihi iriniwa e mitcetiritci kirika owitcewakana kitci pe natotakotc, e itatc: “Kecpin awik wi pe nosanehwite, kata ponitaw wir tepirak e mamitonerimitisotc. Kata miwirew otcipaiatikoma kitci pe nosanehwitc.

Mark 8:34 Iomraidhean Croise

Matio 10:38

Peikon anahwe aka ka miwiratc otcipaiatikoma e tca nosanehwitc, nama tipi iteritakosiw nitirinim kitci ki iterimak.

Matio 16:24

Minawatc Cecoc itew owitcewakana: “Kecpin awik wi pe nosanehwite, kata ponitaw wir tepirak e mamitonerimitisotc. Kata miwirew otcipaiatikoma kitci pe nosanehwitc.

Matio 27:32

E iti orowitcik otenak, ki nakickawewok peikw iriniwa. Cyrène otcirikopan. Simo icinikasoripan. Cimakanicak ki icikemewok anihi iriniwa kitci miwiraritci Cecoca otcipaiatikomiriw.

Mark 10:21

Cecoca kanawapamew e sakihatc, e tca itatc: “Peikw kiapatc kekocic ki noteparin. Matca nta atawe kaskina e ici tataman. Ki ka tca mamirawok ka kitimakisitcik aniheriw coriariw irikik ke kackitain. Meckotc tca wakwek ki ka micikitan. Petcimote pe nosanehici.”

Mark 7:14

Minawatc Cecoc ki wicamew iriniwa ka ici mitcetiritci kitci pe natawapamikotc, e tca itatc: “Kaskina natotacikw ohwe ke iteian, kitci miro nisitotamekw:

Luc Omasinahikan 13:24

“Tarasak nicino ickwatem ke ki pitakaniwok, pimatisiwinik itekera. Kaketin mantokasokw kitci pitakeiekw ickwatem ka cakwacik. Mitcet iriniwok meka kata wikokwe pitakewok. Nama aric kata kackitawok.

Luc Omasinahikan 14:33

Minawatc itew Cecoc: “Ekoni wetci ititakok, nama otci peikw nta e taciekw ni ka ki witcewikw kecpin aka pitama pakiteritake kaskina e ici tatak.”

Luc Omasinahikan 18:22

Ka ickwa petak aniheriw e itikotc Cecoc, aci itew: “Peikw kiapatc kekocic ki noteparin. Matca nta atawe kaskina e ici tataman. Ki ka tca mamirawok ka kitimakisitcik aniheriw coriariw irikik ke kackitain. Meckotc tca wakwek ki ka micikitan. Petcimote pe nosanehici.”

Luc Omasinahikan 20:45

Mekwata kaskina awiriw e natotakotc Cecoc, aci itew owitcewakana:

Luc Omasinahikan 9:23

Minawatc kaskina iriniwa itew: “Kecpin awik wi pe nosanehwite, kata ponitaw wir tepirak e mamitonerimitisotc. Tato kickwa kata miwirew otcipaiatikoma kitci pe nosanehwitc.

Jean 10:27

Nimaritcenicimak ni miro natotakok tan e itewak. Ni kiskerimawok, kaie ni nosanehikok.

Jean 19:17

Wir tipirawe ki pimitinikamew otcipaiatikoma e orowitc otenak, nete tca e icatc Octikwanikekan Matinacic ka icinikaterik. —Golgotha icinikateriw hébreu e ici arimwaniwonik.—

Ka ki aitotiskeritci Cecoc otarotakana 14:22

Ki witcihewok kotakihi ka tapwerimaritci Cecoca kitci sokiteheritci, kaie ki wikosimewok mocak kitci sokikapowitcik e asperimototawaritci Kice Manitowa, kirika e itatcik: “Mictahi arimisiwinik ki ka ici pimotanano kitci ki pitakeikw Kice Manito Okimawinik.”

Rome iriniwok 6:6

Ki kiskeritenano ohwe: epwamoci kiskerimokw Cecoc, pactati iriniwok kit iteritakositano. Aric tarasak e itatisiikopanen ki tcictaskowateriw tcipaiatikok kirika wir Cecoc ka tcictaskowatakaniwitc, kitci ki tca nipatakaniwok anihe matci itatisiwin notc ka nosanetakaniwok, aka tca kaie awocamec pactatowin kitci tiperimikoikw.

Rome iriniwok 8:17

Ki kiskeritenano tca, Kice Manito onitcanica e iteritakosiikw, kaie kirano kitci ki otitikoikw kaskina aniheriw ka ki itetc kitci miratc onitcanica. Kaskina tapickotc ki ka pe otitikonano kirika Krist. Kecpin meka tapickotc nekatcitaikwe kirika Cecoc, tapickotc kaie ki ka witci tacikemano oticperitakosiwinik.

1 Corinthe iriniwok 15:31

Niwitcicanak, tato kickwa kekatc ni nakicken nipowin. Tapwe anihe ka witamatakok, peikon kaie tapwe e kicterimitakok, tapickotc e mamweritakosiekw kirika Ka Tiperimitokw Cecoc Krist.

1 Corinthe iriniwok 8:13

Ekoni wetci ititakok, kecpin mitcimiriw ka isparinik wetci oniwiritisotc anahwe niwitcican pactatowinik, nama wiskat awocamec ni ka mitcin, aka kitci ki otci paskewirak pactatowinik.

1 Corinthe iriniwok 9:19

Nama aci ni tiperitakosin. Nama otci peikw iriniw ni tiperimikw. Aric ni ki oreriten kitci tipaterimitisoian kaskina iriniwok kitci ki atoskectawakik, eckam kitci ki mitcetitcik iriniwok ke pe nta nosanehwatcik Krist.

Galatie iriniwok 2:20

Namaiew tca awocamec nin tipirawe ka pimatisian, kirawe wir Krist ka pimatisitc nipimatisiwinik. Anotc e iriniwian, ni pimatisin tepirak e asperimototawimak Kice Manito Okosa, ka ki sakihitc kirika ka ki pakiterimitisotc nin otci.

Galatie iriniwok 5:24

Kaskina ka tiperimikotcik Cecoc Krist aci tcipaiatikok ki ickwa tcictaskowatamok kaskina aniheriw notc ka ici nataweritakik owiawiwak itekera ka maratanik.

Galatie iriniwok 6:14

Nin, peikocin tepirak ka wi mirwatataman: anahwe Ka Tiperimitokw Cecoc Krist, ki nipo tcipaiatikok. Tapwe wirata osam e ki nipotc Cecoc, mia kaskina kekocic e ki nipomakak ota askik nin otci, aka awocamec e kicteritakok e iteritaman, mia tca kaie e ki nipoan kaskina kekocic otci ota askik ka takok.

Pirip iriniwok 3:10

Tepirak ni nataweriten kitci miro kiskerimak Krist kaie kitci kiskeritamwak tan e asitci mackawisimakanik otapitcipawin. Kaie ni nataweriten kitci nekatcitaian kotc wir Cecoc ka ki ici nekatcitatc, kitci sokiteheian mitowi ka ki sokitehetc nac ka iti nipotc,

Pirip iriniwok 3:7

Aric ani ka itatisiapan kaskina ka mirwaciki nit ici kanawapateti, ni ki kanewiwakan e iteritamapan, pitoc anotc nit iteriten, mia tekaci aka wiec e irapataki osam e tapwewerimak Krist.

Colosse iriniwok 1:24

Ni mireriten anotc e nekatcitaian kirawaw otci. Ni nekatcitan meka niwiawik, osam e kictawak aniheriw aci ka ki kitciparitatc Cecoc ka pe nekatcitatc otirinima otci, kaskina ka tapwerimikotc, mia wir tipirawe owiaw e iterimatc.

Colosse iriniwok 3:5

Nipatakw tca kaskina ka maratak kipimatisiwiniwak, anihe notc ka ici nataweritak ko awik ota askik: pacikwatisiwiniw, aka kaie e mirwinakositc otehik, matci iteritamowiniw e makonikotc, e micta pasoweritak kitci matci totak kirika e monihowetc. E monihowetc meka awik, mia e manitoweritak okekocicima.

2 Thessalonique iriniwok 3:11

Aric ni ki petakanan atita neta e taciekw e kitimiatisitcik, aka kotakeriw kekociciriw e itotisketcik, tepirak e pamerimatcik kotakihi awiriwa e ici pimatisiritci.

Tite 2:12

Ki kiskinohamakono omirotehewin kitci atimikapowictamokw matci itatisiwin, kaie aka aci kitci nataweritamokw kitci matci totamokw, notc ko e ici pimatisinaniwok ota askik. Kirawe tca icikowisk kitci iteritamokw mekwata anotc e pimatisiikw ota askik, icikowisk kaie kitci itatisiikw, kirika mocak kitci miro nosanehwokw Kice Manito.

Hébreux iriniwok 13:13

Icatan tca kaie kirano orowitimik ka ici kapecinaniwok kitci ki natawapamokw Cecoc. Mia wir ka ki ici marerimakaniwitc, ekoni kaie kirano ke ici marerimikoikw.

1 Pien 4:1

E ki nekatcitatc Krist mekwata ka pe pimatisitc ota askik, kaie kirawaw ki ta werinawaw mamowi kitci iterimoekw. Awik meka e nekatcitatc owiawik itekera, nama awocamec pameritam kitci nosanetatc pactatowiniw.

1 Pien 4:13

Ekoni ici mireritamokw e nekatcitaiekw, mitowi Krist ka ki pe nekatcitatc. Ekoni peikon ke apitc mireritamekw minawatc takocike e pe nokonik oticperitakosiwin.

2 Pien 1:14

Ni kiskeriten meka aci kekatc kitci poni pimatisian, kotc ka ki witamawitc anahwe Ka Tiperimitokw Cecoc Krist.

1 Jean 3:16

Ekoni ka otci kiskeritamokw e icinakok sakihiwewin: Cecoc Krist ki pakitinam opimatisiwin kirano otci. Kaie kirano tca ki ta ickwa aikanano kitci pakitinamokw kipimatisiwinino kiwitcicaninowok otci.

Ka ki ici wapatahakaniwitc Jean 2:10

Akawir koctamokw anihe ke ici nekatcitaiekw. Natotamokw! Matci Manito ki ka kokwetcihikowaw. Kata totam mitcet neta e taciekw kitci iciticohokoiekw kipohotowikamikok. Ki ka nekatcihikowinawaw mitato kickwa irikik. Aka aric ponitakw e asperimototawekw Teperitciketc, misawatc wi nipahikoiekwe. Meckota ki ka miritinawaw ohwe caweritcikan: kakike pimatisiwin.