Mark 8:32 - Kice Manito Ocki Omirwatcimowin

³² Wewerita ki witamawew aniheriw kitci miro nisitotamiritci. Aci tipan ki iciwiriko Piena, wircikewaw kitci arimwetcik. Kaketin ki aimihiko Cecoc aniheriw e ki itetc.

Mark 8:32 Iomraidhean Croise

Matio 16:22

Tipan iciwirew Pien Cecoca, kaketin e aimihatc, e tca itatc: “Teperitcikein, nama wiskat nte kata icinakon! Ki ka nanakatcihikw Kice Manito!”

Mark 4:38

Mekwata nipapan Cecoc otaketakok tcimanik, apikwecimonik e apikwecimotc. Aci kockoniko owitcewakana, e tca itikotc: “Kiskinohamake iriniw, aci ki ka niponano! Nama ia wiec kit iteriten kir?”

Luc Omasinahikan 10:40

Micta otamikekopan Marthe e mitatc kitci mitcisonaniwonik. Aci natawapamew Cecoca, e tca itatc: “Teperitcikein, nama ia ni wiec kit iteriten aka e pamerimitc nicim e otamirowak? Witamo kitci pe witcihitc.”

Jean 10:24

Cota okimawok ki mawotcihitowok neta e ici nanipowiritci Cecoca e waskakapowictawatcik, e itatcik: “Tan irikik e actek kitci pehoak, aka tca moci kitci witamawiak kekocic? Kecpin tapwe kir anihi ka ki itespan Kice Manito kitci pe iciticohwatc ota askik kitci akwacimiweritci, wewerita witamacinan.”

Jean 11:14

Aci wewerita witamawew Cecoc: “Poni pimatisiw ni Lazare.

Jean 16:25

“Kaskina anihe aci ki ki pe witamatinawaw, atisokanicica e ki apatcitaian. Kecko aric kata otcitciparin aka awocamec kitci ici aimihitakok. Wewerita ki ka witamatinawaw ka ici kiskeritaman Notawi otci.

Jean 16:29

Cecoc itiko owitcewakana: “Aci miro nisitotakon ka itein, aka aci atisokanicic e apatcitain e arimwein.

Jean 18:20

Itew Cecoc: “Ni ki arimwan kaskina awik kitci petak kirika mocak ni ki kiskinohamakan cota aiamihe mikiwamik kaie kitci aiamihe mikiwamik, neta ka ici mawotcihitotcik kaskina cota iriniwok. Nama kekocic ni ki otci kimotc itan.