Mark 8:2 - Kice Manito Ocki Omirwatcimowin

² “Ni kitimakerimawok aniki iriniwok. Aci meka nicto kickwa esko pe witci tacikemitcik ota, aka tca tekaci e takonik kekociciriw ke mitcikik.

Mark 8:2 Iomraidhean Croise

Matio 14:14

Ka macakatc Cecoc, wapatam e mitcetinaniwonik. Ki micta kitimakerimew anahweriw iriniwa. Ekoni e ici kikehimatc otakosimiwariw.

Matio 20:34

Kitimakerimew Cecoc. Ekoni e ici takinamwatc ockicikowariw. Tecikotc wapiwok aniki iriniwok e nicitcik, kaie iti nosanehwewok Cecoca.

Matio 9:36

E wapamaspan ko e mitcetiritci iriniwa, micta kitimakerimepan. Aieskosiwakopan meka aniki iriniwok kaie atwerimowakopan, mia maritcenicak aka e taritci awiriwa ke kanawerimikotcik e iteritakosiwakopanen.

Mark 1:41

Ki micta kitimakerimew Cecoc. Otapiniskenew e takinatc, e tca itatc: “Nit ici naheriten. Ekoni ici kike!”

Mark 5:19

Nama aric ki otci naheritam, e itatc: “Kiwe neta kimikiwamik, neta ka ici taciketcik kitcirowemakanak. Kaskina tca tipatcimo ka ki totak Kice Manito kir otci e kitimakerimisk.”

Mark 6:32

Ekoni tca e ici positcimetcik, wircikewaw e nta nantowapatakik ke ici arwepitcik.

Mark 6:34

Ka kapatc Cecoc tcimanik, aci wapatam e mitcetinaniwonik. Ki micta kitimakerimew anahweriw iriniwa, osam kekatc mia e iterimatc mia maritcenicak aka e tatcik ka nanakatcihikotcik. Ekoni e ici iti kiskinohamawatc mitcet kekociciriw.

Mark 8:3

Kecpin kiweticohwakenak aka e mitcisotcik, kata iti pakiciniwok meskanak e kiwetcik. Warawik meka ki pe ototewok atita.”

Mark 9:22

Mitcetwaw ki kokwetcihiko e wi nipahikotc anihi matci manitowa, e matcicte wepinikotc kekotc e pakope wepinikotc. Kitimakerimicinan kirika witcihicinan, keckitawonen.”

Luc Omasinahikan 15:20

Ekoni e ici matcatc, e kiwetc otawik.” “Mekwata kiapatc orina e rawonakositc kitci ki takocik omikiwamiwak, wapamiko otawiwa. Anahwe iriniw micta kitimakerimew anihi okosa. Mawinitew e nta nakickowatc. Wakinew e cawerimatc kaie otcemew.

Luc Omasinahikan 7:13

Ka wapamatc anihi iskwewa Teperitciketc, ki micta kitimakerimew, e tca itatc: “Aka mato!”

Hébreux iriniwok 2:17

Ekoni wetci acterik kitci icihitisotc irinik kitci icinakositc, “niwitcicanak” e iterimatc owitc iriniwa, kaie kitci ki iteritakositc okitci makatewokoremiwawa, e mirotehetc acitc mocak ke ki asperimototawakaniwitc kitci atoskectawatc Kice Manitowa wirawaw otci. Ekoni ka totak kitci ki kasihamawakaniwitcik iriniwok opactatowiniwaw.

Hébreux iriniwok 4:15

Nama nte iteritakosiw anahwe kikitci makatekoremino mia awik aka ka kackitatc kitci nisitotak tan e ici arimipariikw aka e mackawisiikw. Anahwe kikitci makatekoremino ki kokwetcihakaniwiw kitci pactatitc kaie wir mia kirano, wir aric nama ki otci pactatiw.

Hébreux iriniwok 5:2

Kice makatewokorew kackitaw wewerita kitci mihatc kaskina aka ka kiskeritamiritci kaie ka oniciniritci miro meskanariw e wi nosanetaritci, osam kaie wir nanikotino e pakicik.