Mark 8:17 - Kice Manito Ocki Omirwatcimowin

¹⁷ Kiskerimew Cecoc ani e aiteritamiritci. Aci kokwetcimew: “Kekwan wetci iteiekw ‘osam aka e opakwecikanimiikw’? Nama ia ni moci ki nisitotenawaw? Nama ia ni ki kackitanawaw kitci mamitoneritamekw?

Mark 8:17 Iomraidhean Croise

Matio 12:15

Cecoc ka petaketc aniheriw ka wi totamirispana anahweriw Pharisien iriniwa, ki matcaw neta. Mitcet iriniwa ki nosanehiko. Ki kikehew kaskina ka akosiritci.

Matio 15:17

Nama ani ki nisitotenawaw ohwe: kaskina kekociciriw ka ici kotak awik, minawatc orowipariniw.

Matio 16:7

Aci aniki Cecoc owitcewakana aititowok: “Pot wetci itetc aniheriw, osam aka e ki otci pe iciwirimiko pakwecikana.”

Mark 16:14

Mekwata tapickotc e mitcisotcik Cecoc owitcewakana, kek ki otci nokosiw Cecoc. Ki itew anahweriw otirinima: “Kekwan wetci aka ki otci asperimototawiekw? Kekwan wetci ki micta mackoteheiekw, aka kitci tapwetowekok aniki ka ki wapamitcik ka ickwa apitcipawak?”

Mark 2:8

Tecikotc kiskeritam Cecoc ani e iteritamiritci. Aci itew: “Kekwan wetci iteritamekw anihe?

Mark 3:5

Kiciw kanawapamew Cecoc anahweriw neta ka tacikeritci kirika micta kice kackeritamokopan, osam tekaci aka e wi nisitotamiritci. Aci itew anihi iriniwa ka niponesiritci: “Pe icitcitceri.” Ekoni e ici icitcitcerictowatc anahwe iriniw. Ekoni e iti kiketc.

Mark 6:52

Nama meka apitc moci ki otci nisitotamok ka ki mata kackitaritci Cecoca, anahweriw pakwecikana ka ki mitcetiharitci. Nama meka kackitawok kitci kanaweritakik omitoneritcikaniwak.

Mark 8:16

Aititowok Cecoc owitcewakana: “Pot wetci aitetc aniheriw, osam aka e opakwecikanimiikw.”

Luc Omasinahikan 24:25

Minawatc itikowok Cecoca: “Tekaci nama kekocic ki kiskeritenawaw! Ki niramisinawaw kitci tapwetamwekw aniheriw weckatc ka ki masinahakik ka ki pe nikan tipatcimowaspan!

Jean 16:30

Aci ni kiskeritenan kaskina kekocic e kiskeritaman. Nama kaie arimatc ki ka kokwetcimikowin kekocic, kicatc meka e kiskeritaman wa kokwetcimikoin. Ekoni wetci tapweritamak Kice Manito otitawinik e ki pe otciin.”

Jean 21:17

Nac nictowaw, ekoni ka ki kokwetcimikotc Pien: “Simo, Jean okosa, ki sakihin ia?” Aci iti kackeritamokopan Pien, nictowaw e ki kokwetcimikotc Cecoca: “Ki sakihin ia?” Kiapatc itew: “Teperitcikein, kir kaskina kekocic ka kiskeritaman. Ki kiskeriten e sakihitan.” Kiapatc itiko: “Nakatawerimik nimaritcenicimak.

Ka ki ici wapatahakaniwitc Jean 2:23

Kaie ni ka nipahimawok onitcanica. Ekoni tca ke otci kiskeritakik kaskina ka tapwerimitcik, nin kaskina e kiskerimakik e iteritakik iriniwok kaie e icinakonik otehiwaw. Tato neta e taciekw ni ka miraw ka ki ici kackitamatisotc.