Mark 8:13 - Kice Manito Ocki Omirwatcimowin

¹³ Minawatc ki nakatew anahweriw iriniwa. Ki positcimew e acohak, akam sakihikanik e icitcimetc.

Mark 8:13 Iomraidhean Croise

Matio 15:14

Ponihakok aniki Pharisien iriniwok, mia e iteritakositcik iriniwok aka ka wapitcik kaie tca ka iterimitisotcik kitci ki keskinowiwiratcik kotakihi iriniwa aka ka wapiritci. Kecpin meka iriniw aka ka wapitc e wi keskinowewiratc kotakihi iriniwa aka ka wapiritci, tapickotc e nicitcik kata posipariwok e ici waratawokarik.”

Matio 7:6

“Aka mirakok atimok kekociciriw ka kitcitwaweritakonik. Kwecwan meka kata pe kiweparihowok, kirawaw tca kitci makomitakok. Aka iciwepinamowakok kokocak kimikisimiwawa ka misakitakosiritci. Kecpin meka itotiskeiekwe, otcitakotc kata tatokoskatewok.”

Mark 8:12

Ki micta iskotamo Cecoc, e itetc: “Kekwariw wetci micta nataweritakik anotc iriniwok kitci mata kackitakaniwonik? Tapwe ohwe ka witamatakok: nama kata mirakaniwiwok kitci wapatakik aniheriw.”

Mark 8:14

Ki onikepanak aniki Cecoc owitcewakana kitci matcewitatcik mitcimiriw otcimaniwak. Tepirak peikociriw pakwecikana.

Luc Omasinahikan 8:37

Kaskina neta Gérasène askik ka taciketcik ki nataweritamawewok Cecoca kitci matcaritci neta otaskiwak, osam e micta sekisitcik. Ekoni tca e ici positcimetc Cecoc, e matcehotcik.

Jean 12:36

Tapwerimakw anahwe ka wactenamatakw mekwata e witci tacikemitakw ota, kitci ki iteritakosiekw ‘iriniwok ka takickakotcik anihi ka wactenamakeritci.’” Ka ickwa itetc aniheriw Cecoc, ekoni ka ici matcatc, warawik kitci nta taciketc, tekaci kitci peikocitc, aka kitci ki pe natawapamikotc anahweriw iriniwa.

Jean 8:21

Kiapatc Cecoc itew: “Aci kekatc ni ka matcan. Ki ka nantowapaminawaw, aric ki ka niponawaw kipactatowiniwak. Nama ki ka ki icanawaw nte e icaian.”

Ka ki aitotiskeritci Cecoc otarotakana 18:6

Aric cota iriniwok nama ici naheritamopanak kirika marerimepanak. Aci Pwar ki powititaw e mirikosiwonik owikasim, e itatc: “Kecpin oniciniekwe, kirawaw tipirawe kitotamowiniwaw! Namaiew ni nin ka totaman. Aci ni ka natawapamawok aka ka cota iriniwitcik kitci witamawakik ohweriw tipatcimowiniw.”

Ka ki aitotiskeritci Cecoc otarotakana 27:2

Ni ki positcimanan micta tciman, nte e pe otickak Adramytte otenak, nete e icitcimeiak otenak rarewak kitcikamik Asie askik. Peikw iriniw ka icinikatakaniwitc Aristarque ni ki pe witcewikonan. Nte Thessalonique otenak otcipan, nete askik Macédoine ka icinikaterik.