Mark 7:9 - Kice Manito Ocki Omirwatcimowin

⁹ Minawatc kiapatc itew: “Kit iteritenawaw mirwacin ka totamekw e wepinamekw Kice Manito otirakonikewin, kirawaw tca ka ici kicteritamekw kitci ici pimatisinaniwok kitci apatcitaiekw.

Mark 7:9 Iomraidhean Croise

Mark 7:13

Ani e totamekw, ki pikotawanawaw Kice Manito otitewin, ani e ici kiskinohamakeiekw. Nipara kotak kekocic ki totenawaw mitowi anihe kitci ki otci onicinitcik iriniwok.”

Mark 7:3

Tapwe meka ekoni e itotisketcik aniki Pharisien iriniwok kaie kaskina kotakihik cota iriniwok. Kicteritamok ka ki ici kiskinohamakotcik okice omocomiwawa: nama mitcisowok patoc wewerita e kasitcitcetcik.

Mark 7:5

Aniki Pharisien iriniwok kirika ka kiskinohamaketcik cota aiamihe irakonikewiniw kokwetcimewok Cecoca: “Kekwariw aka wetci sapitakik kiwitcewakanak aniheriw kiskinohamakewiniw ka ki pe totakik weckatc kitaniskotape kimocominapanak? Kekwariw wetci mitcisowaketcik otcitciwaw, e ometcitcitcetcik cota aiamihe irakonikewinik itekera?”

Rome iriniwok 3:31

Pot awik kiapatc kata iteritam: “Tepirak e asperimototawakaniwitc Cecoc ekoni tca wetci akwacimikoikw, aiamihe irakonikewin nama wiec irapatan. Nama tca ki ka nosanetanano.” Nama aric acteriw nte kitci iteritak. Tepirak e asperimonaniwok Cecoc kitci ki nisitotamokw wewerita e irapatak aiamihe irakonikewin.

2 Corinthe iriniwok 11:4

Ki wetisinawaw meka kitci ki tapwetowekw awik, kecpin arotc e ici nta kiskinohamatakw e nta arimomatc Cecoca, pitoc e itetc kaie tca ninan ka ki pa iteiak. Peikon wipatc ki mireritenawaw kitci pe otitikoiekw kecpin kotakihi manitowa ka wi miritakw, namaieriw ni Miro Manitowa aci ninan ka ki miritak. Aniheriw tipatcimowiniw ka arimotakik namaieriw ni Mirwatcimowiniw ka ki tipatatamak, aric ki natotawawok peikon.

Galatie iriniwok 1:14

Kirawe nit aiamihatisitai cota aiamihewinik itekera patok mitcet kotakihik niwitci cota iriniwok mitowi nin ka tato piponesitcik. Nin kaie kirawe kaketin ni nosanetawatai nitaniskotape nimocominan opimatisiwiniwaw.

Galatie iriniwok 2:21

Tekaci nama ki ka wepinamwan Kice Manito omirotehewin. Kecpin meka irakonikewin apatanokwen icikowisk kitci iterimitokw Kice Manito, ekoni ceckwat e ki nipotc Krist.

2 Thessalonique iriniwok 2:4

Anahwe Micta Matci Awik kata wi cakotcitaw kaskina e ici kicterimatcik iriniwok kaie e ici manitowerimatcik. Kata micta wi kicterimikosiw, e iterimitisotc kirawe wir e kicteritakositc. Nac kata nta orapiw kitci aiamihe mikiwamik, neta Kice Manitowa e ici pakoserimakaniwiritci, kitci witamakekasotc wir e kice manitowitc.