Mark 7:5 - Kice Manito Ocki Omirwatcimowin

⁵ Aniki Pharisien iriniwok kirika ka kiskinohamaketcik cota aiamihe irakonikewiniw kokwetcimewok Cecoca: “Kekwariw aka wetci sapitakik kiwitcewakanak aniheriw kiskinohamakewiniw ka ki pe totakik weckatc kitaniskotape kimocominapanak? Kekwariw wetci mitcisowaketcik otcitciwaw, e ometcitcitcetcik cota aiamihe irakonikewinik itekera?”

Mark 7:5 Iomraidhean Croise

Matio 15:2

“Kekwariw wetci aka sapitakik kiwitcewakanak weckatc okiskinohamakewiniwariw kitaniskotape kimocominowa? Nama meka wewerita kasitcitcewok epwamoci mitcisotcik, kotc ka ki ici kiskinohamakoikw kitci itotiskeikw!”

Mark 7:13

Ani e totamekw, ki pikotawanawaw Kice Manito otitewin, ani e ici kiskinohamakeiekw. Nipara kotak kekocic ki totenawaw mitowi anihe kitci ki otci onicinitcik iriniwok.”

Mark 7:8

Kiapatc itew Cecoc: “Ki pakiteritamwanawaw Kice Manito otirakonikewin, tepirak e wi nosanetaiekw aniheriw iriniwok ka iteritakik kitci ici kicteritcikaterik e pimatisinaniwonik.”

Mark 7:9

Minawatc kiapatc itew: “Kit iteritenawaw mirwacin ka totamekw e wepinamekw Kice Manito otirakonikewin, kirawaw tca ka ici kicteritamekw kitci ici pimatisinaniwok kitci apatcitaiekw.

Ka ki aitotiskeritci Cecoc otarotakana 21:21

Ki itakaniwiwok e kiskinohamawotcik kaskina cota iriniwok nte ka taciketcik ka ici tacikeritci aka ka cota iriniwiritci, kitci wepakonakik Moïse otaiamihe irakonikewiniw, kirika aka kitci kicawatocwakaniwiritci okosiwawa, kaie aka kitci nosanetatcik ka ki ici pimatisiritci weckatc otaniskotape omocomiwawa ka cota iriniwirispana.

Ka ki aitotiskeritci Cecoc otarotakana 21:24

Ki ka matcewirawok aniki iriniwok. Nta aiamihe kisisipasotawe, ekoni kaie kir ke totaman. Acitc kicikamowik irikik ke itakitakonik. Ekoni kitci ki kackipatakik octikwaniwaw kitci kiskeritakositcik tapwe e ki itotisketcik ka ki itetcik Kice Manitowa otci. Ekota tca kaskina ke otci kiskeritakik aka e tapwaniwonik aniheriw ka ki ici arimomikoin, aric tca kaie kir e sapitaman otirakonikewin Moïse.

Rome iriniwok 4:12

Iteritakosiw kaie wir Abraham aiamihe otawinan cota iriniwok, ka ki kicawatocwakaniwitcik. Ni wi itwan aniki ka asperimotcik Kice Manitowa, mitowi kotawino Abraham ka ki asperimototawatc epwamoci kicawatocwakaniwitc.

Galatie iriniwok 1:14

Kirawe nit aiamihatisitai cota aiamihewinik itekera patok mitcet kotakihik niwitci cota iriniwok mitowi nin ka tato piponesitcik. Nin kaie kirawe kaketin ni nosanetawatai nitaniskotape nimocominan opimatisiwiniwaw.

2 Thessalonique iriniwok 3:11

Aric ni ki petakanan atita neta e taciekw e kitimiatisitcik, aka kotakeriw kekociciriw e itotisketcik, tepirak e pamerimatcik kotakihi awiriwa e ici pimatisiritci.

2 Thessalonique iriniwok 3:6

Niwitcicananak, ki nataweritamatinan, Teperitciketc Cecoc oticinikasowin otci: akawir pa witcewakok kaskina kiwitcicaninowok ka kitimiatisitcik kirika aka ka nosanetatcik ka ki ici kiskinohamawakitcik.