Mark 7:4 - Kice Manito Ocki Omirwatcimowin

⁴ Kaie nte e ototetcik ka ki ici atawaniwonik, nama mitcisowok patoc wewerita e kasitcitcetcik. Mitcet kotakeriw nosanetawakopan weckatc ka ki pe totcikaterik, mitowiriw ohweriw: wewerita kitci totcikatek e kisisipatakaniwoki minikwakana, opotaia, askikok ka piwapiskowitcik acitc nipakanatikwa.

Mark 7:4 Iomraidhean Croise

Matio 23:25

“Ki ka arimiparinawaw, kirawaw ka kiskinohamakeiekw aiamihe irakonikewin kirika Pharisien iriniwok! Ki miro iriniwikasonawaw! Mocak ki kisisipasonawaw, aric atamik nama ki mirwinakosinawaw. Ki wi kimotinawaw kirika ki matci iteritenawaw kotc e ici pimatisiekw. Anihe ka totamekw, mia awik oskitc tepirak ka kisisipatatc orakan, aka tca e kisisipatatc pitc.

Matio 23:26

Pharisien iriniw aka ka wapiin, pitama ki ta kisisipatan pitc korakan. Kata tca mirwacin oskitc.”

Matio 27:24

Ka wapatak Pilate aka pitoc e iteritamiritci anahweriw iriniwa, kirawe e nanotakosiritci e micta kiciweritci, ki otapinam orakaniw, nipiriw e takonik, e kasitcitcetc e wapatahiwetc aka wir kitci atameritakositc ickwa niporitena Cecoca. Kaie ki itew: “Kecpin nipote anahwe iriniw, namaiew nin ke totaman! Kirawaw ke totamekw! Kirawaw meka ka ki ici nataweritamekw kitci nipahakaniwitc!”

Mark 7:8

Kiapatc itew Cecoc: “Ki pakiteritamwanawaw Kice Manito otirakonikewin, tepirak e wi nosanetaiekw aniheriw iriniwok ka iteritakik kitci ici kicteritcikaterik e pimatisinaniwonik.”

Jean 2:6

Takonopana neta nikotwaso opotai e asiniwok. Enkweriw ko towiriw ka apatcitawakopanen cota iriniwok e aiamihe kisisipasowakopanen. Tato opotai wiec mitato mitana tato kwapahikan kata ki actakaniwon e mockinepek.

Jean 3:25

Aci atita owitcewakana Capatis ki iti aimihewok peikw cota okimawa, e kikatotcik e arimotamatotcik aniheriw ko ka totcikaterik cota aiamihewinik, e aiamihe kisisipasonaniwonik.

Hébreux iriniwok 9:10

Wetci tca ki ici irakonikaniwok, kitci kiskeritakik cota iriniwok ke ki ici mitcikik kaie ke ki ici minikwetcik papitoc kaie ke aitotcikaterik e aiamihe kisisipasonaniwonik. Enko anihi irakonikewina tepirak ota askik ka mirwapataki, memacic tepirak, nac kitci otcitciparik Kice Manito kaskina kekociciriw kitci meckotcitatc, ocki kekociciriw kitci actatc.

Cak ka ki pe ici masinahiketc 4:8

Wi pecowapamakw Kice Manito, kaie wir ki ka wi pecowapamikowaw. Kirawaw ka pactatiekw, wepinamokw pactatowin. Tekaci maninamokw ka maratak kitehiwak, kirawaw ka kowetowi iteritamekw.

1 Jean 1:7

Kecpin aric ka ici wactek e ici pimatisiikw, mia wir tipirawe Kice Manito e ici taciketc, aci tapwe ki mamweritakosinano, kirika ki mirikowinano tekaci aka kitci takok kipactatowinino, osam Cecoc, Kice Manito Okosa, e kasihamatokw, e ki pakitinak omikw kitci ki kasihamakoikw.