Mark 7:26 - Kice Manito Ocki Omirwatcimowin

²⁶ Neta Phénicie askik otciwikopan anahwe iskwew, Syrie askik itekera. Aci ki pakoserimew Cecoca kitci orowiticohwaritci anihi matci manitowa, otanisa ka ki pitcickakoritci.

Mark 7:26 Iomraidhean Croise

Matio 15:22

Tapan neta peikw iskwew, Canaan askik itekera e otcirikopanen otaniskotape omocoma. Anahwe iskwew ki pe natcikapowictawew Cecoca, e tepwatatc: “Teperitcikein, Tapit Okosa, kitimakerimici! Nitanis mictahi nekatcihiko matci manitowa e ki pitciteheckakotc!”

Matio 4:24

Kaskina wiec Syrie askik itekera ki petakaniwoniw e arimomakaniwitc, kaie ki pe iciwitowakaniwiw kaskina ka akosiritci, nakowi e aitapineritci, kaie anahweriw ka pitciteheckakoritci matci manitowa, acitc ka opirikoritci, kaie ka niponesiritci. Kaskina e taciritci ki kikehew Cecoc.

Mark 7:25

Tapan nta peikw iskwew, otanisa e ki pitciteheckakotc matci manitowa. Ki petakew e arimomakaniwiritci Cecoca. Ki tca natawapamew e nipiskoctawatc.

Mark 7:27

Aci itew Cecoc: “Pakitinik awacak wirctamiwaw kitci mitcisotcik kitci tipiparitcik. Nama meka mirwaciniw e maskamakaniwitcik omitcimimiwaw, atimwa tca kitci iciwepinamowakaniwiritci.”

Galatie iriniwok 3:28

Nama aci pitoc iteritakosiwok ka cota iriniwitcik kaie aka ka cota iriniwitcik, arotakanak kaie aka ka atoskectaketcik, iriniwok kaie iskwewok. Tapwe wirata, kaskina e taciekw mia peikw kit iteritakosinawaw, tapickotc e mamweritakosiekw kirika Cecoc Krist.

Colosse iriniwok 3:11

Nama tca aci pitoc iterimakaniwiwok cota iriniwok kaie aka ka cota iriniwitcik, nama kaie aniki ka ki kicawatocwakaniwitcik kaie tca aka ka ki otci totawakaniwitcik. Nama kaie iriniwok ka kicteritakositcik ota askik kaie aka ka kicteritakositcik, nama kaie iriniwok ka atoskectaketcik kaie tca aniki aka ka atoskectaketcik. Wir meka Krist mawotci kicteritakosiw, kirika wir ka taciketc kaskina iriniwa ka tiperimatc otehirik.