Mark 7:23 - Kice Manito Ocki Omirwatcimowin

²³ Kaskina anihi matci kekocica, otehik orowipariniw iriniw. Ekota tca wetci ometcickakotc otcitcakocik itekera.”

Mark 7:23 Iomraidhean Croise

Mark 7:15

Nama ometcickako iriniw otcitcakocik, e ki mitcik kekociciriw. Tepirak otehik ka orowiparinik, enkweriw ka otci iterimikotc Kice Manitowa ‘ometciw.’ [

Mark 7:18

Aci itew: “Kaie kirawaw ia, nama ki kackitanawaw kitci nisitotamekw? Nama ia ni ki nisitotenawaw, awik e mitcik kekociciriw, namaieriw aniheriw ka otci iterimikotc Kice Manitowa ‘ometciw.’

Mark 7:20

Kiapatc ki itew: “Aniheriw ka orowiparinik e maratanik iriniw otehik, enkweriw ka ometcickakotc otcitcakocik.

Mark 7:22

e pacikwatisitc, kaie e nataweritak kitci tatak e ici tatamiritci owitc iriniwa. Ekota kaie ka otciparinik awik e matcitwatc, e wecimiwetc, e matcatikositc, e asawakeritak, e mareritciketc, e sasekatc, kaie e kiwockweritak.

Mark 7:24

Aci neta matcaw Cecoc, nete itekera e icatc pecotcik otenariw ka ici takonik, Tyr ka icinikaterik. Peikw mikiwamik ki pitakew. Ki nataweritam aka kitci kiskeritakonik e taciketc neta, peikon aric ki petakaniwoniw.

1 Corinthe iriniwok 3:17

Kecpin awik e pikotatc Kice Manito okitci aiamihe mikiwamiriw, Kice Manito kata kicakonew anihi iriniwa. Kitcitwaweritakoniw meka Kice Manito okitci aiamihe mikiwam. Kirawaw tca kit iteritakosinawaw Kice Manito okitci aiamihe mikiwam.

Tite 1:15

Kecpin awik e mirwinakositc otehik, kaskina e aiteritak kaie kaskina e aitotak mirwaciniw. Aric iriniwok aka ka mirwinakositcik otehiwak kaie aka ka tapweritakik, kaskina e aitotakik marataniw. Tepirak ka maratanik mamitoneritamok. Kaie wawatc aci nama kiskeritamok e ici mirwacinik acitc e ici maratanik kekociciriw.

Jude 1:8

Ekoni peikon e itotisketcik aniki iriniwok anotc ka pe icatcik neta e mawotcihitoekw. Takoniw e icinakik, enkweriw ka nosanetatcik e pactatitcik, e micta matci totatisotcik. Nama ici naheritamok kitci tiperimikotcik Kice Manitowa. Marerimewok aceriwa ka icperitakosiritci, wakwek ka tacikeritci.