Mark 7:17 - Kice Manito Ocki Omirwatcimowin

¹⁷ Ka ickwa nakatatc Cecoc nta iriniwa, ki pitakew mikiwamik. Ki pe natawapamiko owitcewakana e kokwetcimikotc aniheriw ka wi itespan.

Mark 7:17 Iomraidhean Croise

Matio 13:10

Aci pe natawapamiko Cecoc owitcewakana e kokwetcimikotc: “Kekwan wetci apatcitain atisokanicica e kiskinohamawotcik aniki iriniwok?”

Matio 13:36

Minawatc ki matcaw Cecoc neta e mitcetinaniwonik, e pitaketc mikiwamik. Aci pe natcikapowictako owitcewakana, e itikotc: “Witamacinan wa itemakak anihe kitatisokanicic, matci mackociriw e ki kitikaniwonik neta kitikan askik.”

Matio 15:15

Aci Pien arimwew e itetc: “Wewerita witamacinan wa itemakak anihe kitatisokan.”

Mark 2:1

Ani apitc wiskata ki pe kiwew Cecoc neta Capernaüm otenak. Aci ki petakaniwoniw e ki pe kiwetc.

Mark 3:20

Minawatc ki pe kiwew mikiwamik. Pe mitcetinaniwoniw neta. E apitc mitcetinaniwonik, nama wawatc ki mitcisowok Cecoc kirika owitcewakana.

Mark 4:10

Minawatc warawik ka iti aitatc Cecoc, aka awocamec e pecowapamikotc anihi mitcet iriniwa, aci kokwetcimiko anahweriw iriniwa ka pa witcewikotc ko kirika anihi owitcewakana e mitato acitc niciritci, e kokwetcimikotc kekwariw ka wi itetc ka ki atisoketc.

Mark 4:34

Nama otci kiskinohamakekopan patoc ko aniheriw e apatcitatc atisokaniciciriw. Aric wircike e tacikespan kirika owitcewakana, aci nta wewerita witamawepan wa itemakanik.

Mark 7:16

Wewerita natotamokw ohwe, kirawaw ka kackitaiekw kitci nisitotamekw.]”

Mark 7:18

Aci itew: “Kaie kirawaw ia, nama ki kackitanawaw kitci nisitotamekw? Nama ia ni ki nisitotenawaw, awik e mitcik kekociciriw, namaieriw aniheriw ka otci iterimikotc Kice Manitowa ‘ometciw.’

Mark 9:28

Ka ickwa pitaketcik mikiwamik Cecoc kirika owitcewakana, wircikewaw ka taciketcik, ki kokwetcimiko anahweriw owitcewakana: “Kekwan aka wetci ki orowiticohwakitc anahwe matci manito?”