Mark 7:15 - Kice Manito Ocki Omirwatcimowin

¹⁵ Nama ometcickako iriniw otcitcakocik, e ki mitcik kekociciriw. Tepirak otehik ka orowiparinik, enkweriw ka otci iterimikotc Kice Manitowa ‘ometciw.’ [

Mark 7:15 Iomraidhean Croise

Matio 12:34

Kirawaw ka micta matci iriniwiekw, mia tapickotc kinepikok ka itatisiekw! Nama ki ka ki miro arimwanawaw kecpin aka e miroteheiekw. Iriniw meka itew tan e ici takonik otehik.

Matio 15:16

Aci itew Cecoc: “Kiapatc ia kaie kirawaw nama ki kackitanawaw kitci nisitotamekw?

Mark 7:14

Minawatc Cecoc ki wicamew iriniwa ka ici mitcetiritci kitci pe natawapamikotc, e tca itatc: “Kaskina natotacikw ohwe ke iteian, kitci miro nisitotamekw:

Mark 7:16

Wewerita natotamokw ohwe, kirawaw ka kackitaiekw kitci nisitotamekw.]”

Ka ki aitotiskeritci Cecoc otarotakana 10:28

Pien itew: “Ki kiskeritenawaw e itemakak cota aiamihe irakonikewin, cota iriniw aka matci kitci pa witcewatc kaie aka kitci kiwotamatc awiriwa aka ka cota iriniwiritci. Aric Kice Manito ni ki kiskinohamakw aka aci kitci iterimak awik aka ka cota iriniwitc mia e ometciwitc otcitcakocik itekera, kaie aka kitci iterimak ‘nama tipi iteritakosiw kitci witcewakaniwitc.’

Rome iriniwok 14:17

Kaskina meka iriniwok ka tiperimikotcik Kice Manitowa Okimawinik nama kata kicteritamokw e ici mitcisotcik kaie e ici minikwetcik. Kirawe ohwe kicteritakon: icikowisk kitci itatisinaniwok, kitci pekaterimonaniwok kaie kitci mireritamokw. Miro Manito kaskina aniheriw ka pakitinak.

1 Corinthe iriniwok 10:25

Ki pakitinikowinawaw kitci mitciekw arotc wias e icinakok ka atawaniwok atawewikamikok, aka soka kitci nanto kiskeritamekw e apitc otciparinokwen nte manitokanik.

Tite 1:15

Kecpin awik e mirwinakositc otehik, kaskina e aiteritak kaie kaskina e aitotak mirwaciniw. Aric iriniwok aka ka mirwinakositcik otehiwak kaie aka ka tapweritakik, kaskina e aitotakik marataniw. Tepirak ka maratanik mamitoneritamok. Kaie wawatc aci nama kiskeritamok e ici mirwacinik acitc e ici maratanik kekociciriw.

Hébreux iriniwok 13:9

Nanakatcihitisokw tca aka kitci paskewirikoekw arotc kiskinohamakewin, kaskina wiec ke ki ici tapweritakik iriniwok. Mirwacin e sokiteheckakoikw Kice Manito omirotehewin, nama aric ki ka ki sokiteheckakono e nosanetaikw aiamihe irakonikewin, mitcim e arimotcikatek. Aniki meka ka kotci nosanetatcik aniheriw towiriw irakonikewiniw nama ki sokiteheckakowok.

Hébreux iriniwok 9:10

Wetci tca ki ici irakonikaniwok, kitci kiskeritakik cota iriniwok ke ki ici mitcikik kaie ke ki ici minikwetcik papitoc kaie ke aitotcikaterik e aiamihe kisisipasonaniwonik. Enko anihi irakonikewina tepirak ota askik ka mirwapataki, memacic tepirak, nac kitci otcitciparik Kice Manito kaskina kekociciriw kitci meckotcitatc, ocki kekociciriw kitci actatc.