Mark 7:13 - Kice Manito Ocki Omirwatcimowin

¹³ Ani e totamekw, ki pikotawanawaw Kice Manito otitewin, ani e ici kiskinohamakeiekw. Nipara kotak kekocic ki totenawaw mitowi anihe kitci ki otci onicinitcik iriniwok.”

Mark 7:13 Iomraidhean Croise

Matio 15:6

Kecpin tca e nosanetatc anahwe iriniw kikiskinohamakewiniwariw, iteritam: ‘Nama aci arimatc ni ka witcihaw notawi.’ Ekoni e ici wi pikotaiekw Kice Manito otitewin, kitci tca nosanetaiekw anihe kirawaw tipirawe kikiskinohamakewiniwaw.

Mark 7:12

Iteritamotake, ‘Nama aci arimatc ni ka witcihawok notawi kaie nikawi.’ Ki pakitinawaw anahwe kitci tapweritak aniheriw.

Mark 7:14

Minawatc Cecoc ki wicamew iriniwa ka ici mitcetiritci kitci pe natawapamikotc, e tca itatc: “Kaskina natotacikw ohwe ke iteian, kitci miro nisitotamekw:

Mark 7:3

Tapwe meka ekoni e itotisketcik aniki Pharisien iriniwok kaie kaskina kotakihik cota iriniwok. Kicteritamok ka ki ici kiskinohamakotcik okice omocomiwawa: nama mitcisowok patoc wewerita e kasitcitcetcik.

Mark 7:5

Aniki Pharisien iriniwok kirika ka kiskinohamaketcik cota aiamihe irakonikewiniw kokwetcimewok Cecoca: “Kekwariw aka wetci sapitakik kiwitcewakanak aniheriw kiskinohamakewiniw ka ki pe totakik weckatc kitaniskotape kimocominapanak? Kekwariw wetci mitcisowaketcik otcitciwaw, e ometcitcitcetcik cota aiamihe irakonikewinik itekera?”

Mark 7:9

Minawatc kiapatc itew: “Kit iteritenawaw mirwacin ka totamekw e wepinamekw Kice Manito otirakonikewin, kirawaw tca ka ici kicteritamekw kitci ici pimatisinaniwok kitci apatcitaiekw.

Galatie iriniwok 1:14

Kirawe nit aiamihatisitai cota aiamihewinik itekera patok mitcet kotakihik niwitci cota iriniwok mitowi nin ka tato piponesitcik. Nin kaie kirawe kaketin ni nosanetawatai nitaniskotape nimocominan opimatisiwiniwaw.

Galatie iriniwok 5:21

Asawakerimitowok. Pakiterimitisowok kitci kiwockwepitcik, nac micta matci totamok, acitc mitcet kotakeriw ka maratanik totamok. Kiapatc ki nanakasomitinawaw anihe aci ka ki witamatakok: aniki ani ka ici pimatisitcik nama kata pe otitikowok Kice Manitowa Okimawiniw.

Tite 1:14

aka kaie awocamec kitci natotakik arotc atisokaniw cota iriniwa ka aitatisokeritci, acitc aka awocamec kitci pameritakik aniheriw otirakonikewiniwaw ka aiteritci anahweriw iriniwa ka ki wepakonamiritci tapwewiniw.