Mark 6:6 - Kice Manito Ocki Omirwatcimowin

⁶ Ki mamiskateritam aka e asperimototakotc iriniwa neta otenamik. Minawatc nete otenaskak ki pa icaw Cecoc e kiskinohamaketc.

Mark 6:6 Iomraidhean Croise

Matio 4:23

Pa aicakopan Cecoc kaskina e irikokwarik Galilée askiriw. Cota aiamihe mikiwamiskak pa kiskinohamakepan neta askik itekera, e tipatatakipan Mirwatcimowiniw ka otci kiskeritcikaterik Kice Manito Okimawiniw, kaie e pa kikehaspan iriniwa kaskina otakosiwiniwariw, kaie e ici maskisiritci.

Matio 8:10

Ka petawatc Cecoc ani e iteritci, ki mamiskasitawew. Ki itew anahweriw iriniwa ka pa nosanehikospan: “Tapwe ohwe ka witamatakok: ekoni pitcerak e miskawak awik ota Israël askik e apitc asperimototawitc.

Matio 9:35

Cecoc pa pimotepan kaskina otenak kaie otenacik. Pa kiskinohamakepan cota aiamihe mikiwamiskak. Kakeskwepan, e tipatcimospan Mirwatcimowiniw ka otci kiskeritcikaterik Kice Manitowa Okimawiniw. Kaskina kaie kikehepan ka akosiritci kotc ka itapineritci.

Mark 1:39

Minawatc kaskina e irikokwarik ki pa aicaw neta Galilée askik. Mitcet cota aiamihe mikiwamiskak ki pa kakeskwew kirika ki orowiticohwew matci manitowa.

Mark 10:1

Minawatc ki matcaw Cecoc, Judée askik itekera e icatc. Minawatc akam sipik Jourdain ka icinikaterik ki iti icaw. Ki pe mitcetiriwa kiapatc iriniwa e pe natawapamikotc neta ka ici taciketc. Ki kiskinohamawew, mitowi mocak ka ki pe totak.

Luc Omasinahikan 13:22

Minawatc Cecoc aiacockamopan e ici otenaskarik, e pa kiskinohamakespan mekwatc e icakopanen nete Jérusalem otenak.

Luc Omasinahikan 4:31

Cecoc ki icaw Capernaüm otenak, nte Galilée askik itekera. Ka arwepi kicikarik ki nta kiskinohamawew kaskina iriniwa nta cota aiamihe mikiwamik.

Luc Omasinahikan 4:44

Minawatc kiapatc pa kakeskwepan cota aiamihe mikiwamiskak nete Judée askik.

Jean 9:30

Itikowok anihi iriniwa: “Enko ohwe ka mamiskateritakok: nama ki kiskeritenawaw tante wetcitc anahwe iriniw, aric ki kiketaw nickicikoriw!

Ka ki aitotiskeritci Cecoc otarotakana 10:38

Kaie ki kiskeritenawatake Kice Manito ka ki ici cawerimatc Cecoca, Nazareth ka otcirispana, e ki miratc Miro Manitowa omackawisiwiniw. Acitc kiapatc kaie ki kiskeritenawaw e pa pimatisispan Cecoc e pa miro totakipan kirika e kikehaspan kaskina iriniwa ka tiperimikowaspan Matci Manitowa. Kice Manitowa meka aspinikotc witci tacikemikopan Cecoc.