Mark 5:7 - Kice Manito Ocki Omirwatcimowin

⁷ e itatc e micta kiciwetc: “Kekwan ni ka ici nataweritamawiin, Cecoc, Kice Manito ka mawotci icperitakositc Okosa? Ki pakoserimitin, Kice Manito otci, akawir nekatcihici!”

Mark 5:7 Iomraidhean Croise

Matio 16:16

Simo Pien itew: “Kir anihi ka ki itespan Kice Manito kitci pe iciticohwatc ota askik kitci akwacimiweritci, kir Kice Manito ka pimatisitc Okosa.”

Matio 26:63

Nama aric ki otci itew Cecoc. Aci kiapatc kokwetcimiko anihi kitci makatewokorewa: “Actew kitci witamawiak, e nespi tapwein, Kice Manito otci e pimatisitc: kir ia ni Kice Manito Okosa, anihi ka ki itespan kitci pe iciticohwatc ota askik kitci akwacimiweritci?”

Matio 4:3

Kek ki pe natawapamiko Matci Manitowa, anihi ko ka kokwetcihiweritci, e itikotc: “Kecpin tapwe kir Kice Manito Okosa, icik ohki asiniik kitci pakwecikaniwitcik.”

Matio 8:29

Ki tepwewok e itetcik: “Kekwan ka nataweritamawiak, Kice Manito Okosa? Ki ki pe ican ia kitci nekatcihiak, aric aka moci e otcitciparik kitci tipaskonikaniwok?”

Mark 1:24

“Cecoc, Nazareth otenak ka otciin, kekwan ka nataweritamawiak? Ki ki pe ican ia kitci nipahiak? Ki kiskerimitin ni: kir Ka Kitcitwawisiin, ka ki pe iciticohwisk Kice Manito.”

Mark 14:61

Nama aric ki otci naskamo Cecoc. Tekaci nama kito. Aci kiapatc kokwetcimiko anihi kitci makatewokorewa: “Kir ia ni Kice Manito Okosa, anihi ka ki itespan Kice Manito kitci pe iciticohwatc ota askik kitci akwacimiweritci, anahwe mocak ka mirwatcimakitc e aiamihaiak?”

Mark 3:11

Kirika kotc ko e wapamikospan Cecoc matci manitowa, nipiskoparihoriwa pecotcik nte ositik e tca iteritci e tepitepweritci: “Kir Kice Manito Okosa!”

Mark 5:6

Warawik otci wapamew Cecoca. Ekoni e ici mowinitatc e nipiskoctawatc,

Mark 5:8

Wetci itetc aniheriw, osam e ki itikospan Cecoca: “Matci manito, orowicko anahwe iriniw!”

Luc Omasinahikan 1:32

Kata kitci iriniwiw kirika kata icinikatakaniwiw ‘Kice Manito ka mawotci icperitakositc Okosa.’ Kata miriko Teperitcikeritci Kice Manitowa kitci okimawitc, mia otaniskotape omocoma Tapit ka ki okimawiritci.

Luc Omasinahikan 4:34

“Ah! Kekwan ka nataweritamawiak, Cecoc, Nazareth otenak ka otciin? Ki ki pe ican ia kitci nipahiak? Ki kiskerimitin ni: kir Ka Kitcitwawisiin, ka ki pe iciticohwisk Kice Manito!”

Luc Omasinahikan 6:35

Ekoci aric sakihakok iriniwok ka matci totatakok. Miro totakok. Awihakok, aka tca meckotc kitci petaiekw kekocic. Ki ka tca micta cawerimikowinawaw kirika ki ka iteritakosinawaw Kice Manito ka mawotci icperitakositc okosa. Peikon meka miro totawew iriniwa aka ka naskomikotc, kirika ka matci iriniwiritci.

Luc Omasinahikan 8:28

Ka wapamatc Cecoca ki micta notakosiw kirika ki nipiskoctawew, e tca itetc e kiciwetc: “Kekwan ni ka ici nataweritamawiin, Cecoc, Kice Manito ka mawotci icperitakositc Okosa? Ki pakoserimitin, akawir nekatcihici!”

Jean 20:31

Aric kaskina ota ka takok, ki masinatew kitci ki otci tapwetamekw ohwe: Cecoc, tapwe wir anihi ka ki itespan Kice Manito kitci pe iciticohwatc ota askik kitci akwacimiweritci, enko na Kice Manito Okosa. Kecpin tca tapwerimekwe, ki ka otci mirikowinawaw pimatisiwin wir otci.

Ka ki aitotiskeritci Cecoc otarotakana 16:17

Minawatc ni ki pa witcewokonan, Pwar acitc tca ninan, e tca tepitepwetc: “Aniki iriniwok atoskectawewok Kice Manitowa ka mawotci icperitakosiritci! Ki ka witamakowawok aniheriw meskanariw ke nosanetaiekw kitci ki akwacimikoiekw.”

Ka ki aitotiskeritci Cecoc otarotakana 19:13

Tapanak kaie neta ani apitc atita cota iriniwok ka pa icawakopanen wiec kitci matceticahamowatcik matci manitowa ka ki pitciteheckowaritci ka akosiritci. Kakotcitawakopan kaie kitci apatcitawatcik oticinikasowiniw Teperitcikeritci Cecoca e orowiticohwatcik matci manitowa. Itewakopan anahweriw matci manitowa: “Kit ititinawaw kitci orowiekw, Cecoc oticinikasowin otci, anihi ka tipatcimatc Pwar.”

Ka ki aitotiskeritci Cecoc otarotakana 8:36

Mekwata e iti aiarimwewaspan meskanak e pimitapasotcik, kek ki iti takociniwok nte e takonik nipiriw. Aci anahwe Éthiopie iriniw itew: “Enko ohwe nipi. Takon ia kekocic ke nakackakoapan kitci sikahatakoian?”

Rome iriniwok 16:20

Kice Manito, anahwe ka pakitinak pekaterimowiniw, aci kekatc kata cakotcitaw Matci Manitowa omackawisiwiniw. Kata totam kitci mackawisiekw kaie kirawaw kitci cakotcihekw. Ni pakoserimon omirotehewin Ka Tiperimitokw Cecoc Krist kitci witci tacikemikoekw.

Hébreux iriniwok 2:14

Ohki awacak e arimomakaniwitcik ota, iriniwiwok e owiawitcik kaie e omikotcik. Cecoc wir tipirawe ki iriniwihitiso mitowi wirawaw, tapickotc kitci ki iriniwitcik. Ekoni tca wetci, ki nipotc, ki otci cakotcihew Matci Manitowa, anihi ka kackitaritci kitci nipaharitci iriniwa.

Hébreux iriniwok 7:1

Aci weckatc anahwe Melkisédec okimawikopan neta otenak Salem ka icinikaterik kirika ki makatewokorewikopan e atoskectawaspan Kice Manitowa ka mawotci icperitakosiritci. Ani apitc Abraham ki icakopan e natoparinaniwonik e ki tepihatc okimawa. Ka pe kiwetc Abraham, ki pe nta wapamiko, e pe nta nakickakotc anihi Melkisédeca, kirika e ki aiamitowatikotc.

Cak ka ki pe ici masinahiketc 2:19

Ki tapweten ia e peikocitc Kice Manito? “Ehe” e itein, mia kit itwan. Wawatc matci manitowok kaie wirawaw tapwetamok. Kokwarisikerimewok kaie.

2 Pien 2:4

Nama meka ki otci manatcihew Kice Manito anahweriw aceriwa weckatc ka ki pactatiritci. Atamaskamikok ki iciwepinew kitci kanawerimakaniwiritci e takopitakaniwiritci, nete e ici kiski tipiskarik nac mamitcitc kitci tipaskonikaniwonik.

1 Jean 3:8

Anahwe mocak ko ka pactatitc Matci Manitowa tiperimiko. Aspinikotc meka pactatiw Matci Manito esko ka kiceritcikaterik askiriw. Ekoni mia wetci ki pe icatc Kice Manito Okosa, kitci orapatamwatc Matci Manitowa ototamowiniw.

Jude 1:6

Mamitonerimakok aniki aceriwok weckatc ka ki mirakaniwitcik mackawisiwiniw, aka aric e ki otci tipi iteritakik aniheriw. Ki tca nakatamok otitacikewiniwaw ka ki mirikotcik Kice Manitowa kitci taciketcik. Aci kanawerimikowok nte wiec e ici kiski tipiskarik, nespitc e takopitakaniwitcik, piwapiskwapiriw e ki totcikaterik, nac kitci otcitciparinik mamitcitc e kitci kicikarik kitci tipaskonakaniwitcik.

Ka ki ici wapatahakaniwitc Jean 12:12

Ekoni ke otci micta mireritamekw, wakwek! Kirawaw neta ka tacikeiekw icpimik, ekoci mireritamokw! Aric kirawaw neta askik kirika kitcikamik ka tacikeiekw, ki ka arimiparinawaw! Ki nitcickaw Matci Manito kitci natawapamitakw e micta kiciwasitc. Kiskeritam meka aka kinowec e acterik kitci totak wa totak.”