Mark 5:23 - Kice Manito Ocki Omirwatcimowin

²³ e tca pakoserimatc otcitakotc kitci witcihikotc: “Nitanis aci kekatc nipo,” itew anahwe ka nikaniwitc. “Petcimote, ki pakoserimitin. Pe nta takini, ekoni kitci kiketc, kiapatc tca kitci pimatisitc.”

Mark 5:23 Iomraidhean Croise

Matio 8:3

Cecoc ki icitcitcerictawew. Ki takinew, e itatc: “Nit ici naheriten. Ekoni ici kike!” Tecikotc ki kikew anahwe iriniw ocakak.

Mark 16:18

Kecpin takonatawe kinepikwa ka matci mackikiwiritci kirika kecpin matci mackikiriw minikwetawe, nama wiec kata ispariwok. Kata takinewok awiriw ka akosiritci, kata miro pimatisiriw.”

Mark 5:24

Ekoni e ici matcatc, Cecoca e witcewikotc. Mitcet iriniwok kaie wirawaw pe icawok e witcewatcik. Micta sitcikapowinaniwoniw.

Mark 6:13

Mitcet matci manitowa ki orowiticohwewok kaie mitcet ka akosiritci ki kikehewok, pimiteriw e acitakaniwonik okitc octikwaniwak.

Mark 7:32

Ki pe iciwitowakaniwiw peikw iriniwa ka kipiteritci, aka kaie tapwe e nitaweritci. Ki tca pakoserimakaniwiw Cecoc kitci takinatc kitci kikeritci.

Mark 8:23

Aci otapiniskenew Cecoc anihi aka ka wapiritci. Nte tca iciwirew nakewar otenacik. Minawatc ki actamawew osikowinapo ockicikorik anihi iriniwa. Ki takinew ockicikorik e tca kokwetcimatc: “Ki wapaten ia kekocic?”

Luc Omasinahikan 13:13

Ki takinew anihi iskwewa. Tecikotc ki tacokapowiriw, e micta mirwatcimaritci Kice Manitowa.

Luc Omasinahikan 4:38

Ka ickwa nakatak cota aiamihe mikiwamiriw Cecoc, nte minawa ki icaw Simo omikiwamirik. Simo osikosa micta akosiriw, e kisiswapineritci. Ki tca nataweritamawakaniwiw Cecoc kekociciriw kitci totak kitci witcihatc.

Luc Omasinahikan 4:40

E iti pakicimotc pisimw, mitcet iriniwa ka akosiritci ki pe iciwitowakaniwiw Cecoc, otcirowemakaniwawa kekotc okwimesiwawa e pe iciwirikotcik. Mitcenikopan akosiwiniw ka ki aitapinerikopanen. Tato nta e taciritci ki takinew, kaskina tca ki kikeriwa.

Luc Omasinahikan 7:12

Apitc ka iti pecowapatakik aniheriw otenaciriw, mia iti takociniwok micta ickwatemik itekera, kipaskonikanik ka takonik, waskak aniheriw otenariw e takonik. Wapatamok e pimotaniwonik e wi nta rikwaskaniwonik, iskwew e cikawitc okosa e ki niporikopanen. Peikocirikopan okosa. Mitcetinaniwoniw e witcewakaniwitc e nta rikwasketc anahwe iskwew.

Jean 11:3

Aniki iskwewok, Lazare omisa, ki iciticohwewok peikw iriniwa kitci nta witamawakaniwiritci Cecoca, ohweriw kitci itakaniwiritci: “Teperitcikein, akosiw kikwimes.”

Ka ki aitotiskeritci Cecoc otarotakana 28:8

Publius otawiwa mackociniripan e akosiritci, e kisiswapineritci kaie e sapisowapineritci. Pwar ki natawapamepan anihi iriniwa. Ki aiamihectamawew, e takinatc, acitc e kikehatc.

Ka ki aitotiskeritci Cecoc otarotakana 6:6

Minawatc ki pe iciwirakaniwiwok aniki ka ki orapamakaniwitcik, Cecoc otarotakana kitci natawapamatcik. Ki aiamihectamakowok e takinamakotcik kaie e cawerimikotcik.

Ka ki aitotiskeritci Cecoc otarotakana 8:17

Pien kirika Jean ki takinewok anahweriw iriniwa octikwaniwarik, ekoni ka ici pitciteheckakoritci Miro Manitowa.

Ka ki aitotiskeritci Cecoc otarotakana 9:12

Ni ki tca miraw Saul ohweriw kitci icinak, kitci wapamisk e pe natawapamatc kirika e takinatc kitci ki koski wapitc.”

Ka ki aitotiskeritci Cecoc otarotakana 9:17

Aci Ananias matcaw. Ka takocik neta mikiwamik, ki takinew anihi Saula, kirika e itatc: “Saul, niwitcican, Teperitciketc Cecoc ka ki pe wapamatc meskanak ka pe pimotein ni pe iciticohokw kitci ki minawatc wapiin kirika kitci ki mockineckask Miro Manito.”