Mark 5:13 - Kice Manito Ocki Omirwatcimowin

¹³ Ki pakitinikowok Cecoca aniheriw ka ki ici nataweritakik. Ekoni tca ka ici orowitcik aniki matci manitowok nta irinik, nete kokoca e ki pitakeckowatcik. Kaskina aniki kokocak, wiec nicwaw kice mitato mitana e tacitcik, ki nitcikowackotiwok e kickapiskarik sakihikanik e ici pakicinitcik. Kaskina tca ki kwapawewok.

Mark 5:13 Iomraidhean Croise

Matio 7:6

“Aka mirakok atimok kekociciriw ka kitcitwaweritakonik. Kwecwan meka kata pe kiweparihowok, kirawaw tca kitci makomitakok. Aka iciwepinamowakok kokocak kimikisimiwawa ka misakitakosiritci. Kecpin meka itotiskeiekwe, otcitakotc kata tatokoskatewok.”

Matio 8:32

“Icakw!” ki itikowok Cecoca. Ekoni tca ka ici orowitcik nta irinik, nete kokoca e ki pitakeckowatcik. Tecikotc aniki kokocak ki nitcikowackotiwok e kickapiskarik sakihikanik e ici pakicinitcik. Kaskina tca ki kwapawewok.

Mark 5:12

Aci aniki matci manitowok pakoserimewok Cecoca, e itatcik: “Iciticahamacinan neta kokocak ka tatcik kitci ki pitcickowakitcik.”

Mark 5:14

Tapanak neta iriniwok ka kanawerimatcik anahweriw kokoca. Ka wapatakik aniheriw ka ispariritci, ki ocimowok e pa nta tipatcimotcik otenak kirika kitikan askik. Mitcet iriniwok ki pe nta kanawapatamok ka ki isparinik.

Jean 8:44

Kotawiwaw, enko na Matci Manito, kirika ki wi itotiskanawaw wir kotawiwaw e ici nataweritak. Mocak manoho anahwe. Ekoni mocak e icinakositc esko ka kiceritcikaterik askiriw. Nama wiskat nosanetaw tapwewiniw. Tekaci meka nama tapweritakosiw. E kiraskitc, ekoni e itotisketc aniheriw mocak ka itotiskespan. Aspinikotc meka kiraskiw, kirika kaskina wir e tiperitak kiraskiwiniw.

1 Pien 3:22

Ki ocpickaw wakwek, aci e apitc onihiwinik Kice Manitowa. Ekota neta e ici okimawitc, aceriwa e tiperimatc acitc kaskina manitowa neta ka nikaniwiritci, acitc kaskina kotakihi ka mackawisiritci.

Ka ki ici wapatahakaniwitc Jean 20:7

Ickwa miparike anahwe irikik peikwaw kice mitato mitana tato pipona, Matci Manito minawatc kata pakitinakaniwiw ka ici kipohwakaniwitc.

Ka ki ici wapatahakaniwitc Jean 9:11

Okimamiwawa, enko anihi peikw matci aceriwa ka mitaritci e pokoneckarik e micta wararik. Anahwe matci aceriw icinikaso “Abaddon,” hébreu e ici arimwaniwonik. Minawatc grec e ici arimwaniwonik icinikatakaniwiw “Apollyon.” Wi itemakaniw aniheriw oticinikasowin “Anahwe mocak ka pikotasotc.”