Mark 4:8 - Kice Manito Ocki Omirwatcimowin

⁸ Aric kotakihi okitamina ka matce kitikaniwok papakiciniwok nta miro askik. Ki mirokino. Aci tca ka takociparik kitci mockinakaniwitcik, atita nicto mitana kirawe nipara ki nitawikin, kotakihi nikotwaso mitana, minawatc kotakihi mitato mitana.”

Mark 4:8 Iomraidhean Croise

Matio 13:23

Kotakihik aric icinakosiwok mia anihi okitamina ka papakiciniritci miro askik. Petamok Kice Manitowa otitewiniw, kirika miro nisitotamok. Aci tca e otcitciparik kitci mawotcitakaniwok kitikanicica, atita mitato mitanawaw kirawe nipara nitawikin, kotakihi nikotwaso mitana, minawatc kotakihi nicto mitana.”

Matio 13:8

Aric kotakihi okitamina ka matce kitikaniwok papakiciniwok nta miro askik. Ki mirokino. Aci tca ka takociparik kitci mockinakaniwitcik, atita mitato mitanawaw kirawe nipara ki nitawikin, kotakihi nikotwaso mitana, minawatc kotakihi nicto mitana.”

Mark 4:20

“Kotakihik aric icinakosiwok, mia anihi okitamina ka papakiciniritci miro askik. Petamok Kice Manitowa otitewiniw, kirika ka tapwetakik. Aci tca e otcitciparik kitci mawotcitakaniwok kitikanicica, atita nicto mitanawaw kirawe nipara nitawikin, kotakihi nikotwaso mitana, minawatc kotakihi mitato mitana.”

Mark 4:7

“Kotakihi atita kiapatc aniheriw okitamina, nta ka ici nitawikinik minesikaciriw ki ici papakiciniriw. Ki iti matcekiniw aniheriw minesikaciriw, aric nipatcikemakaniw neta kitikanik e ici mirwacikipan. Nama tca kekocic ki otci nitawikin.

Mark 4:9

Minawatc ki itew Cecoc: “Wewerita natotamokw ohwe, kirawaw ka kackitaiekw kitci nisitotamekw!”

Luc Omasinahikan 8:15

Anihi okitamina miro askik ka ici papakiciniritci, tarasak iriniwok ka natotakik Kice Manitowa otitewiniw kirika ka miro kanaweritakik otehiwak, e mirotehetcik, aka kaie e ponitatcik, e tca mirokitcik otcitcakociwak itekera.”

Luc Omasinahikan 8:8

Aric kotakihi okitamina ka matce kitikaniwok papakiciniwok nta miro askik. Aci mirokiw nac kitci micta mirwacik anihe kitikan. Aci tca ka takociparik kitci mockinakaniwitcik, mitato mitana tatwaw kirawe nipara ki nitawikiwok.” Minawatc ki itew Cecoc: “Wewerita natotamokw ohwe, kirawaw ka kackitaiekw kitci nisitotamekw!”

Jean 15:5

“Nin nit iteritakosin cweminatikw, kirawaw tca otikona. Anahwe ka witcewitc, kaie nin e witcewak, micta miro totam. Kecpin meka aka nin e witcewitakok, nama kekocic ki ka ki totenawaw.

Jean 7:17

Kecpin awik e orapatak kitci itotisketc e ici nataweritamiritci Kice Manitowa, kata kiskeritam apitc tapwe Kice Manitok otciparinikwen nikiskinohamakewiniw, kekotc ma tepirak nin nititeritamowinik e ki otciparinik.

Ka ki aitotiskeritci Cecoc otarotakana 17:11

Aniki wirawaw Bérée iriniwok kirawe kicteritamwakopan Kice Manitowa otitewiniw patok aniki Thessalonique otenak ka taciketcik. Wewerita natotamopanak e micta mamitoneritakik. Tato kickwa wewerita tapwatamopanak Kice Manito Omasinahikaniw kitci ki nta kiskeritakik e apitc ma tapwe aniheriw Pwara ka aiteritci.

Éphèse iriniwok 2:21

Wir ka totak kitci sokarik manikaniw, nac ocitaw kitci aiamihe mikiwamiriw e kitcitwaweritakonik, Teperitcikeritci otci.

Pirip iriniwok 1:11

Kata mitcen ke ici miro totamekw, icikowisk e itatisiekw, wir Cecoc e ki miritakw kitci totamekw, kaskina e tacinaniwok kitci icperimakaniwitc Kice Manito, kaie mocak kitci mirwatcimakaniwitc.

Colosse iriniwok 1:6

Mirwatcimowin icinakon mia mitowi wapiminatikw ka mirokitc nac kitci kinwaskositc kaie ka ici nitawikiritci mitcet wapimina. Kaskina wiec ota askik eckam iti mitcetiwok iriniwok ka petakik aniheriw Mirwatcimowiniw kirika ka otci nosanehwatcik Kice Manitowa, mitowi aci e ki isparik kaie kirawaw ka iti nosanehwekw, nictam ka petamekw Kice Manito omirotehewin tapwe e icinakonik.