Mark 4:7 - Kice Manito Ocki Omirwatcimowin

⁷ “Kotakihi atita kiapatc aniheriw okitamina, nta ka ici nitawikinik minesikaciriw ki ici papakiciniriw. Ki iti matcekiniw aniheriw minesikaciriw, aric nipatcikemakaniw neta kitikanik e ici mirwacikipan. Nama tca kekocic ki otci nitawikin.

Mark 4:7 Iomraidhean Croise

Matio 13:22

Kotakihik kiapatc iriniwok icinakosiwok mia okitamina ka papakiciniritci ka ici nitawikinik minesikaciriw. Ki petamok Kice Manitowa otitewiniw, aric osam ki kanawapatamok kekociciriw ka kicteritcikaterik ota askik, kekotc ma e paciwirikotcik micikitawiniw, e iteritakik aniheriw kitci mireritamihikotcik. Nama tca mirokiwok aniki iriniwok otcitcakociwak itekera, aka awocamec e pameritakik Kice Manitowa otitewiniw.

Matio 13:7

Kotakihi atita kiapatc aniheriw okitamina, nta ka ici nitawikinik minesikaciriw ki ici papakiciniriw. Ki iti matcekiniw aniheriw minesikaciriw, aric nipatcikemakaniw neta kitikanik e ici mirwacikipan.

Matio 13:8

Aric kotakihi okitamina ka matce kitikaniwok papakiciniwok nta miro askik. Ki mirokino. Aci tca ka takociparik kitci mockinakaniwitcik, atita mitato mitanawaw kirawe nipara ki nitawikin, kotakihi nikotwaso mitana, minawatc kotakihi nicto mitana.”

Mark 4:6

E mekwa kicikarik e micta kiciterik, aci ickwateriw aniheriw ocki ka nitawikinik. Ki pacteriw, osam aka e tipi micarik otapia.”

Mark 4:8

Aric kotakihi okitamina ka matce kitikaniwok papakiciniwok nta miro askik. Ki mirokino. Aci tca ka takociparik kitci mockinakaniwitcik, atita nicto mitana kirawe nipara ki nitawikin, kotakihi nikotwaso mitana, minawatc kotakihi mitato mitana.”

Luc Omasinahikan 12:15

Minawatc ki itew Cecoc, kaskina awiriw e aimihatc: “Aiekwamisikw! Nanakatcihitisokw aka orina kitci sakitaiekw kekocic e ici takok askik. Nama tepirak okekocicima kata otci pimatisiw iriniw, misawatc e micta micikitatc.”

Luc Omasinahikan 21:34

“Aiekwamisikw! Ekwa kitci osami kiwockweparitisoekw mekwa e mirwatatamekw, aka kitci arimeritamekw e mamitoneritamekw ka ici arimipariekw e pimatisiekw. Kecpin meka tepirak anihe mamitoneritamekwe, takociparike anihe ke kicikak kitci tipaskonikaniwok, ki ka kockoparinawaw ke ispariekw,

Luc Omasinahikan 8:14

Minawatc anihi kotakihi okitamina ka papakiciniritci ka ici nitawikik minesikaci, mia ko iriniwok kaie wirawaw ka ki petakik Kice Manitowa otitewiniw, tarasak atohowok, osam wiec e iciwepasitcik ota askik aka ka kicteritakonik, kekotc ma coriariw osam e sakitatcik, kirika tepirak e wi mireritamihitisotcik. Nama tca mirokiwok aniki iriniwok otcitcakociwak itekera.

Luc Omasinahikan 8:7

Kotakihi atita kiapatc aniheriw okitamina, nta ka ici nitawikinik minesikaciriw ki ici papakiciniriw. E iti nitawikinik, tapickotc nitawikin anihe minesikaci, aric nipatcikemakan neta kitikanik e ici mirwacikipan.