Mark 4:34 - Kice Manito Ocki Omirwatcimowin

³⁴ Nama otci kiskinohamakekopan patoc ko aniheriw e apatcitatc atisokaniciciriw. Aric wircike e tacikespan kirika owitcewakana, aci nta wewerita witamawepan wa itemakanik.

Mark 4:34 Iomraidhean Croise

Matio 13:34

Kaskina ka itaspan anahweriw mitcet iriniwa Cecoc, atisokaniciciriw ko apatcitapan. Nama otci kiskinohamakekopan patoc ko aniheriw e apatcitatc atisokaniciciriw.

Mark 4:10

Minawatc warawik ka iti aitatc Cecoc, aka awocamec e pecowapamikotc anihi mitcet iriniwa, aci kokwetcimiko anahweriw iriniwa ka pa witcewikotc ko kirika anihi owitcewakana e mitato acitc niciritci, e kokwetcimikotc kekwariw ka wi itetc ka ki atisoketc.

Mark 4:33

Ekoni mocak e ici kiskinohamakekopanen Cecoc. Aniheriw towiriw atisokaniciciriw apatcitakopan ko e mitcenik, kotc ke ki ici nisitotamiritci iriniwa ka ki pe nta natotakeritci.

Luc Omasinahikan 24:27

Minawatc kaskina ki witamawew Cecoc wa itemakanik aniheriw e itasinaterik Kice Manito Omasinahikanik, wir otci, Moïse omasinahikanik e ki otci kitciparinik, kaie kaskina ka ki pe nikan tipatcimotcik omasinahikaniwak e itemakanik.

Jean 10:6

Ekoni ka ici atisokowaspan Cecoc anahweriw Pharisien iriniwa. Nama aric ki otci nisitotamiriwa wa itemakanik aniheriw otatisokanicic.

Jean 16:25

“Kaskina anihe aci ki ki pe witamatinawaw, atisokanicica e ki apatcitaian. Kecko aric kata otcitciparin aka awocamec kitci ici aimihitakok. Wewerita ki ka witamatinawaw ka ici kiskeritaman Notawi otci.

Ka ki aitotiskeritci Cecoc otarotakana 28:23

Ki oreritamok kiapatc nikotin e kicikarik kitci nakickowatcik Pwara. Ani apitc ka otcitciparinik aniheriw e kicikarik kirawe ki mitcetiwok e pe natawapamatcik neta e ici tacikeritci. Kape kickwa nac e iti otakocinik Pwar wewerita arimotamowepan ohweriw. Kice Manitowa Okimawiniw tipatcimoctawepan, kaie natowi totamopan kitci cakosimatc kitci tapweritamiritci kaskina e tapwemakanik e ici tipatcimakaniwiritci Cecoca, e mikawasimatc e itasinaterik Moïsa otaiamihe irakonikewinik kaie weckatc ka ki pe nikan tipatcimoritci ka ki ici masinahamiritci.