Mark 4:26 - Kice Manito Ocki Omirwatcimowin

²⁶ Aci Cecoc itew: “Ekoni e icinakonik Kice Manito Okimawin: mia iriniw e matce kitiketc okitikan askik. Minawatc nama awocamec kata pameritam aniheriw okitikan.

Mark 4:26 Iomraidhean Croise

Matio 13:11

Itew Cecoc: “Aci ki ki pe otitikonawaw kitci kiskeritamekw anihe ka ki katcictekipan Kice Manito Okimawinik otci, nama aric aniki kotakihik ki otci pe otitikowok.

Matio 13:24

Aci Cecoc atisokawew kotakeriw atisokaniciciriw, e itatc: “Ekoni e icinakonik Kice Manito Okimawin: mitowi kitike iriniw e ki kitiketc miro kitikaniw okitikan askik.

Matio 13:3

Ekoni tca ka ici aiarimwetc Cecoc, mitcet kekociciriw e aiarimotamawatc, atisokaniciciriw e apatcitatc, e tca itatc: “Takopan kitike iriniw. Peikwaw e kicikarik, ki icaw okitikan askik kitci matce kitiketc.

Matio 13:31

Cecoc kiapatc atisokawew kotakeriw atisokaniciciriw: “Ekoni e icinakonik Kice Manito Okimawin: mia mitowi okitamina, rimotat ka icinikatcikatek, iriniw e ki otapinak, minawatc e ki matce kitiketc okitikan askik.

Matio 13:33

Kiapatc Cecoc atisokew kotakeriw atisokaniciciriw: “Ekoni peikon e icinakonik Kice Manito Okimawin: mia mitowi ciwockitcitcikan, iskwew e tcipaketc, e otapinatc nipara napanewa e tca mamowinatc ciwockitcitcikana, nac kaskina e opisoritci.”

Matio 3:2

“Kweskatisikw! Aci peconakoniw Kice Manito Okimawin!”

Matio 4:17

Ekoni ka kitciparitc Cecoc e kakeskwetc, e aitespan: “Kweskatisikw! Aci meka peconakoniw Kice Manito Okimawin!”

Mark 4:25

Anahwe meka aci ka ici tatak kekociciriw, awocamec kata pe mirakaniwiw. Anahwe aric kotak aka ka takonik kekociciriw, wawatc aniheriw memantcic e ici tatak, kata maninamowakaniwiw, misawatc aka e sapinakonik.”

Mark 4:27

Ekoni e ici nipatc tato tipiskwa, kaie onickaw tato kickwa. Peikon tca nitawikiniw kaie matcekiniw, misawatc aka e kiskeritak tan wetci isparinik.

Luc Omasinahikan 13:18

Cecoc itew: “Tan e icinakonik Kice Manito Okimawin? Tan ke ki iteian kirawe kitci ki nisitotakonik e icinakonik?

Luc Omasinahikan 8:11

“Ekoni wa itemakak anihe atisokanicic. Okitamin mia icinakon kirika Kice Manito otitewin.

Luc Omasinahikan 8:5

“Takopan kitike iriniw. Peikwaw e kicikarik, ki icaw okitikan askik kitci matce kitiketc. Mekwata e taci matce kitiketc, atita okitamina papakiciniriw meskanak. Ki tatakoskatakaniriwa. Pirecicak mockimewok kaskina aniheriw okitamina.

Jean 12:24

Ohwe ka witamatakok, tapwe ni icinakon: tarasak mia okitamin, nama wiec irapatan, tepirak kata peikociw, patoc askik kitci nahikowakaniwitc e kitikaniwok, tarasak kitci ki nipomakak. Ekoni patoc mitcet kekocic ke ki otci nitawikik.

Cak ka ki pe ici masinahiketc 3:18

Aniki ka otamirotatcik pekateritamowiniw kitci miroparihitonaniwonik neta e ici taciketcik, mia mitowi awik ka matce kitiketc miro kitikaniw iteritakosiwok, minawatc tca e mockinak aniheriw okitikan e ki mirokinik. Enkweriw tca icikowisk itatisiwiniw ka pe otitikotcik.