Mark 4:24 - Kice Manito Ocki Omirwatcimowin

²⁴ Minawatc kiapatc ohweriw itew Cecoc: “Kaketin aiekwamisikw e ici petamekw: Kice Manito kata tipaham irikik ke mirikoiekw, mitowi kirawaw ka asitci tipahamekw e mirekw kiwitc iriniwaw. Aric Kice Manito kirawe nipara wir kata actaw.

Mark 4:24 Iomraidhean Croise

Matio 7:2

Ki ka meka tipaskonikowaw kotc kaie kirawaw e ici tipaskonikeiekw. Kotc ke ici tipahamekw e tipaskonekw kiwitc iriniwaw, ekoni ke ici tipahamatakw kaie kirawaw Kice Manito.

Mark 9:7

Aci iti nokon e petoskowok, nac kaskina aka e nokositcik e rikockakotcik oskoriw. Kek petakon e otci arimwaniwok nta oskok, e itwaniwok: “Enko ohwa Nikosis ka micta sakihak. Natotawakw!”

Luc Omasinahikan 8:18

“Ekwamanitisokw e ici natotamekw! Anahwe meka aci ka ici tatak kekociciriw, awocamec kata pe mirakaniwiw. Anahwe aric kotak aka ka takonik kekociciriw, wawatc aniheriw memantcic ka iteritak e ici tatak, kata maninamowakaniwiw.”

Jean 10:16

Tawok kotakihik nimaritcenicimak aka moci e kanawerimakaniwitcik pitakamik ohweriw miniskanatikok. Actew kaie wirawaw kitci pe iciwirakik. Ni ka natotakok e aimihakik, kirika kaskina tapickotc kata nanakatcihakaniwiwok, tepirak e peikociritci maritcenici iriniwa ka kanawerimikotcik.”

Jean 10:27

Nimaritcenicimak ni miro natotakok tan e itewak. Ni kiskerimawok, kaie ni nosanehikok.

Jean 5:25

Ohwe ka witamatakok, tapwe ni icinakon: aci kekatc kata otcitciparin, aci kaie ickwa pe takociparin, ka nipotcik kitci petawatcik Kice Manitowa Okosiriw e pe petakosiritci. Kaskina ke petawatcik kata pimatisiwok.

Ka ki aitotiskeritci Cecoc otarotakana 17:11

Aniki wirawaw Bérée iriniwok kirawe kicteritamwakopan Kice Manitowa otitewiniw patok aniki Thessalonique otenak ka taciketcik. Wewerita natotamopanak e micta mamitoneritakik. Tato kickwa wewerita tapwatamopanak Kice Manito Omasinahikaniw kitci ki nta kiskeritakik e apitc ma tapwe aniheriw Pwara ka aiteritci.

2 Corinthe iriniwok 9:6

Aka onikekw ohwe: kecpin awik e matce kitiketc tepirak memantcic, nama kata micariw ke mawotcitatc okitikan. Kecpin awik nipara matce kitikete, nipara kata mawotcitaw okitikan.

Hébreux iriniwok 2:1

Ekoni wetci actek wawatc kirawe awocamec kitci miro natotamokw tapwewin ka ki ici petamokw, aka kekocic kitci oniwirikoikw.

1 Pien 2:2

Mia ocki awacic e nataweritak tcotcocanaporiw e mirwakaminik, mocak ki ka nataweritenawaw kekocic ka mirwacik ke ki matceatisiwakeiekw kitcitcakociwak itekera, kirika kitci akwacimikoiekw.

1 Jean 4:1

Nimiro nikwimesak, aka tapwetowakw kaskina awik ka itetc, “Miro Manito ni miwirikw.” Aric ma kokwetcihakw kitci kiskerimekw e apitc ma tapwe Kice Manitowa miwirikokwen. Mitcetiwok meka arotc ka nikan tipatcimotcik ka ki pa icatcik ota askik e itetcik, “ni nikan tipatcimonan Kice Manito otci,” aka aric tapwe e totakik.