Mark 4:19 - Kice Manito Ocki Omirwatcimowin

¹⁹ aric osam ki kanawapatamok kekociciriw ka kicteritcikaterik ota askik, kekotc ma e paciwirikotcik micikitawiniw, e iteritakik aniheriw kitci mireritamihikotcik, kaie mitceniw kotakeriw ka ici nataweritakik. Nipatawok aniheriw Kice Manito otitewiniw ka ki iti matcekinikipan otehiwak. Nama tca mirokiwok aniki iriniwok otcitcakociwak itekera, aka awocamec e pameritakik Kice Manitowa otitewiniw.”

Mark 4:19 Iomraidhean Croise

Matio 13:22

Kotakihik kiapatc iriniwok icinakosiwok mia okitamina ka papakiciniritci ka ici nitawikinik minesikaciriw. Ki petamok Kice Manitowa otitewiniw, aric osam ki kanawapatamok kekociciriw ka kicteritcikaterik ota askik, kekotc ma e paciwirikotcik micikitawiniw, e iteritakik aniheriw kitci mireritamihikotcik. Nama tca mirokiwok aniki iriniwok otcitcakociwak itekera, aka awocamec e pameritakik Kice Manitowa otitewiniw.

Matio 19:23

Cecoc itew owitcewakana: “Tapwe ohwe ka witamatakok: arimaniw iriniw e micikitatc kitci pitaketc Kice Manitowa Okimawinik.

Matio 3:10

Aci ickwa micipotakaniwon ositaskw ke apatak kitci ki kickikohwakaniwitcik mictikok, neta e asko otapiwitcik. Kaskina mictikw aka ka nitawikihatc miro wapimina kata kickikohwakaniwiw kirika kata wepinakaniwiw ickotek.”

Mark 4:18

“Kotakihik kiapatc iriniwok icinakosiwok mia okitamina ka papakiciniritci ka ici nitawikinik minesikaciriw. Ki petamok Kice Manitowa otitewiniw,

Luc Omasinahikan 10:41

Aci itew Teperitciketc: “Marthe, Marthe, micta mitcet kekocic kit arimeritamihikon, mitcen kaie ka arimihikoin.

Luc Omasinahikan 21:34

“Aiekwamisikw! Ekwa kitci osami kiwockweparitisoekw mekwa e mirwatatamekw, aka kitci arimeritamekw e mamitoneritamekw ka ici arimipariekw e pimatisiekw. Kecpin meka tepirak anihe mamitoneritamekwe, takociparike anihe ke kicikak kitci tipaskonikaniwok, ki ka kockoparinawaw ke ispariekw,

Jean 15:2

Kickikaham kaskina notikoniw aka ka ici nitawikitaritci cwemina. Aric wewerita ocitaw anihi kotakihi notikoniw kitci mirwacinik, neta ka ici mirokitcik cweminak. Kickikaham aniheriw ka maratanik, kirawe kiapatc nipara cwemina kitci ki nitawikiritci.

Rome iriniwok 12:2

Aka awocamec nosanetawakw e itatisitcik kotakihik iriniwok ota askik aka ka kicterimatcik Kice Manitowa. Aric pakitinakw Kice Manito kitci miritakw pitoc kitci ki aiteritamekw, kaie pitoc kitci ki itatisiekw. Ekoni ke otci kackitaiekw kitci nta kiskeritamekw mia e ici nataweritak kitci totamekw: e mirwacinik, ka ici mireritak kaie mia e itatisinaniwonik.

Éphèse iriniwok 2:2

Ki nosanetatawaw anihe matci itatisiwin ka nosanetakaniwok ko anotc ota askik. Ki sapitowatawaw anaha ka tiperimatc matci manitowa waskok, ka tiperimatc iriniwa ka atimikapowictawaritci Kice Manitowa.

Éphèse iriniwok 6:12

Namaiew meka iriniwok ota askik ka wi cakotcihitokok. Kirawe aric manitowok ka matci apatcitatcik omackawisiwiniwaw, waskok e otciparitcik, acitc ka nikaniwitcik, ka kackitatcik kaie ka tiperitakik ota ka ici kiski tipiskarik.

Pirip iriniwok 4:6

Tekaci aka arimeritamokw kekocic. Kaskina aric ki ka nataweritamawawaw Kice Manito aniheriw ka wi apatcitaiekw, mocak kaie kitci naskomekw e pakoserimekw.

1 Timothée 6:17

Ki ka witamawawok ka micikitatcik ota askik aka kitci otci micta kicterimotcik. Witamawik aka orina kitci asperimotcik e ici tatakik, nikotin meka ke ickwaparinik. Kirawe aric kitci asperimototawatcik Kice Manitowa, wir kaskina kekociciriw ka cawerimitokw e mitcenik kitci ki mireritamokw.

2 Timothée 4:10

Démas ni ki nakatikw, osam e sakitatc kekociciriw ota askik. Ki matcaw, nete e icatc Thessalonique otenak. Crescens nete wir ki icaw Galatie, minawatc anahwe Tite ekote neta Dalmatie askik ka icatc.

2 Pien 1:8

Kecpin eckam ici pimatisiekwe, ki ka witcihikonawaw kitci mirwapatisiekw e atoskectawekw anahwe Ka Tiperimitokw, Cecoc Krist, kaie eckam kitci miro kiskerimekw.

Jude 1:12

Wesa iteritakosiwok e pe icatcik neta ka ici witci mitcisomitoekw kirawaw ka nosanehwekw Cecoc. Tarasak totamok kitci ometciwonik neta. Tekaci nama waneritamok e pe nta makocetcik, tepirak wirawaw tipirawe e kanawapamitisotcik. Mia mitowi osko e pe nokok e makatewak aka tca e kimiwok, tepirak e mactak, ekoni e iteritakositcik. Mitowi kaie wapiminatikw, aka e nitawikiritci owapiminima, misawatc aci mia e asitaiarik kitci ki kicikitc, e tca kowacitc, tekaci e nipotc. Ekoni e iteritakositcik aniki iriniwok.