Mark 4:16 - Kice Manito Ocki Omirwatcimowin

¹⁶ “Kotakihik iriniwok tarasak icinakosiwok mia anihi okitamina ka papakiciniritci neta e ici asiniwakarik. Petamok Kice Manitowa otitewiniw. Tecikotc mireritamok e petakik. Wi tapweritamok.

Mark 4:16 Iomraidhean Croise

Matio 13:5

Kotakihi kaie aniheriw okitamina e ici asiniwakarik ki ici papakiciniriw, aka nipara e ici takonik askiriw. Tecikotc ki iti nitawikiniw aniheriw kitikaniw, aka e kiskipitawokarik.

Mark 4:15

Atita iriniwok tarasak icinakosiwok mia anihi okitamina ka papakicinitcik meskanak. Petamok Kice Manitowa otitewiniw, aric tecikotc Matci Manito pe nta maninamawew aniheriw ka ki kitikaniwonik otehiwak.”

Mark 4:17

Nama aric kinowec kanaweritamok otehiwak. Memacic tepirak tapwetamok. Kotc aric e arimihakaniwitcik kekotc ma e ki nosanetawatcik Kice Manitowa otitewiniw, tecikotc pakiteritamok otasperimowiniwaw.”

Mark 6:20

Anahwe Hérode koctepan Capatisa e kiskeritakipan icikowisk e itatisiritci kaie e kitcitwaweritakosiritci. Nanakatcihepan tca. E natotawaspan e kakeskweritci, wanimikokopan ko anahwe okimaw. Mireritamokopan aric peikon e natotawatc.

Luc Omasinahikan 8:13

Kotakihik iriniwok tarasak icinakosiwok mia anihi okitamina ka papakiciniritci neta e ici asiniwakarik. Petamok Kice Manitowa otitewiniw, micta tca mireritamok e petakik, nama aric pakitinamok kitci mirokinik. Memacic tepirak tapwetamok. Kotc aric e kokwetcihakaniwitcik, tecikotc pakiteritamok aniheriw otapwetamowiniwaw.

Jean 5:35

Anahwe Capatis, mitowi wactenamakan iteritakosipan, e iskahikatek kitci miro wactek. Memacic ki ki naheritenawaw kitci mireritamekw e waskorek.

Ka ki aitotiskeritci Cecoc otarotakana 26:28

Anahwe Agrippa itew Pwara: “Kit iteriten ia kitci cakosimiin tecikotc kitci tapwerimak Cecoc?”

Ka ki aitotiskeritci Cecoc otarotakana 8:13

Simo wir tipirawe ki tapwerimew Cecoca kaie ki sikahataso. Kaskina wiec pa nosanehwepan Piripa, kirika micta mamiskaterimekopan ka wapamatc e micta mata kackitaritci kaie ka matawi aitotiskeritci.