Mark 4:11 - Kice Manito Ocki Omirwatcimowin

¹¹ Itew Cecoc: “Kirawaw, aci ki ki pe otitikonawaw kitci nisitotamekw anihe ka ki katcictekipan Kice Manito Okimawinik otci. Aric kitci ki iciwepanik aniheriw ka ki masinahikaterik neta Kice Manito Omasinahikanik, kotakihik iriniwok petamok aniheriw tepirak kecpin atisokaniciciriw e apatanik e kiskinohamakaniwonik,

Mark 4:11 Iomraidhean Croise

Matio 11:25

Ani apitc Cecoc aiamihapan, e itetc: “Notawi, kir ka tiperitaman wakwek kaie askik, mikwetc kit ititin e ki wapatahatcik kitapwewiniw ka apicicitcik kaie tca e ki katowatcik iriniwok ka iterimitisotcik ‘ni omiro omitoneritcikaninan’ kirika ‘ni micta miro kiskeritenan kitci kekocic e ki kiskinohamasoak.’

Matio 13:16

Kirawaw aric ki caweritakosinawaw e kackitaiekw kitci wapatamekw kaie e petamekw!

Matio 16:17

Aci itiko Cecoca: “Ki caweritakosin, Simo, Jean okosa. Namaiew meka iriniw ka ki witamask aniheriw tapwewiniw, aric Notawi, wakwek ka taciketc.

Mark 3:23

Minawa Cecoc wicamew anahweriw ka ki aiteritci e tca aimihatc, atisokaniciciriw e apatcitatc, e itatc: “Tan ke ki totak Matci Manito kitci ki orowiticohotisotc?

Mark 4:10

Minawatc warawik ka iti aitatc Cecoc, aka awocamec e pecowapamikotc anihi mitcet iriniwa, aci kokwetcimiko anahweriw iriniwa ka pa witcewikotc ko kirika anihi owitcewakana e mitato acitc niciritci, e kokwetcimikotc kekwariw ka wi itetc ka ki atisoketc.

Mark 4:2

Mitcet kekociciriw kiskinohamakepan Cecoc, atisokaniciciriw e apatcitatc. Aci itepan:

Luc Omasinahikan 8:10

Naskamoctawew e itatc: “Aci ki ki pe otitikonawaw kitci kiskeritamekw anihe ka ki katcictekipan Kice Manito Okimawinik otci. Aric kotakihik iriniwok tepirak atisokaniciciriw mirakaniwiwok. Ekoni tca wetci icinakositcik, kotc e itemakanik Kice Manito Omasinahikanik: ‘Kanawapatamok, nama aric wapatamok. Petamok, nama aric nisitotamok.’” Ésaïe 6.9

1 Corinthe iriniwok 4:7

Kekwan meka wetci iteritaman kirawe e icperitakosiin patok kotakihik iriniwok e asiteritakositcik? Kaskina ka ici tataman, namaiew ni Kice Manito ka ki mirisk? Kecpin tca tapwe e ki mirikoin kaskina kekocic, nama actew kitci mirwatcimitisoin e ici tataman.

2 Corinthe iriniwok 4:6

Weckatc meka Kice Manito ki itew: “Neta ka ici kiski tipiskak, ekota ke otci micta waseak.” Genèse 1.3 Peikon kaie wir Kice Manito ka ki wactenamatokw pitc kitehinak, kitci ki tca kiskeritamokw oticperitakosiwin, mia e nokonik otactamikorik Cecoc Krist.

Éphèse iriniwok 1:9

Ki ki kiskeritamorikono aniheriw aci ka iteritakipan kitci pe iciwepanik ka katcicterikipan. Aci weckatc ki ickwa iteritamokopan kitci kiskeritamoritokw aniheriw e micta mirotehetc, Krist otci.

Colosse iriniwok 4:5

Actew kitci omiro omitoneritcikaniekw e witcewekok iriniwok aka ka kiskerimatcik Cecoca, kitci miro nisawiekw kitci witcihekok kitci nosanehwatcik, tatwaw ke kackitaiekw.

1 Thessalonique irinowok 4:12

Ekoni tca ke otci kicteritakik e ici pimatisiekw iriniwok aka ka nosanehwatcik Cecoca, nama kaie kata actew kitci otamohwekw awik kitci witcihitakw.

1 Timothée 3:7

Acteriw kaie kitci ici pimatisitc kitci kicterimikotc iriniwa aka ka tapwerimaritci Cecoca. Kecpin aka ani totake, kata takoniw ke otci marerimakaniwitc, kitci otci oniwirikotc Matci Manitowa.

1 Jean 5:20

Ki kiskeritenano tapwe e ki pe icaritci ota askik Kice Manito Okosa, kirika e ki miritokw kakitaweritamowiniw kitci ki kiskerimimokw anihi tapwe ka Kice Manitowiritci. Ki witcewano anahwe tapwe ka Kice Manitowitc, osam Okosa Cecoc Krist e ki itotiskeritci kitci icinakonik. Enko meka anahwe tapwe ka Kice Manitowitc, kaie ka pakitinak kakike pimatisiwiniw.