Mark 4:10 - Kice Manito Ocki Omirwatcimowin

¹⁰ Minawatc warawik ka iti aitatc Cecoc, aka awocamec e pecowapamikotc anihi mitcet iriniwa, aci kokwetcimiko anahweriw iriniwa ka pa witcewikotc ko kirika anihi owitcewakana e mitato acitc niciritci, e kokwetcimikotc kekwariw ka wi itetc ka ki atisoketc.

Mark 4:10 Iomraidhean Croise

Matio 13:3

Ekoni tca ka ici aiarimwetc Cecoc, mitcet kekociciriw e aiarimotamawatc, atisokaniciciriw e apatcitatc, e tca itatc: “Takopan kitike iriniw. Peikwaw e kicikarik, ki icaw okitikan askik kitci matce kitiketc.

Matio 13:36

Minawatc ki matcaw Cecoc neta e mitcetinaniwonik, e pitaketc mikiwamik. Aci pe natcikapowictako owitcewakana, e itikotc: “Witamacinan wa itemakak anihe kitatisokanicic, matci mackociriw e ki kitikaniwonik neta kitikan askik.”

Mark 4:11

Itew Cecoc: “Kirawaw, aci ki ki pe otitikonawaw kitci nisitotamekw anihe ka ki katcictekipan Kice Manito Okimawinik otci. Aric kitci ki iciwepanik aniheriw ka ki masinahikaterik neta Kice Manito Omasinahikanik, kotakihik iriniwok petamok aniheriw tepirak kecpin atisokaniciciriw e apatanik e kiskinohamakaniwonik,

Mark 4:34

Nama otci kiskinohamakekopan patoc ko aniheriw e apatcitatc atisokaniciciriw. Aric wircike e tacikespan kirika owitcewakana, aci nta wewerita witamawepan wa itemakanik.

Mark 4:9

Minawatc ki itew Cecoc: “Wewerita natotamokw ohwe, kirawaw ka kackitaiekw kitci nisitotamekw!”

Mark 7:17

Ka ickwa nakatatc Cecoc nta iriniwa, ki pitakew mikiwamik. Ki pe natawapamiko owitcewakana e kokwetcimikotc aniheriw ka wi itespan.