Mark 3:8 - Kice Manito Ocki Omirwatcimowin

⁸ Kotakihik Jérusalem otenak ototewakopan, kirika Idumée acitc kotak askik, akam sipik Jourdain ka ici takonik. Ekote atita e ototewakopanen, kaie nete kotakihi askik pecotcik ka ici takonik otenariw Tyr kaie Sidon ka icinikaterik. Wetci pe natawapamatcik Cecoca aniki mitcet iriniwok, osam e ki petaketcik e aitotiskeritci.

Mark 3:8 Iomraidhean Croise

Matio 11:21

“Ekwa kirawaw neta Chorazin otenak ka tacikeiekw! Nikotin ki ka nakickenawaw kitci arimipariekw! Kaie kirawaw Bethsaïda otenak ka tacikeiekw, nikotin ki ka arimiparinawaw! Kecpin nitowatc nete Tyr otenak kirika Sidon otenak ki taci mata kackitaian patok ota kirawaw ka ici tacikeiekw, aci weckatc wirawaw aniki iriniwok kata ki piskamopanak wikasiriw ka kawekinik acitc kata ki cicocimoropanak iskwaskiteskok kitci wapatahiwetcik e kweskatisitcik.

Matio 4:25

Micta mitcetipanak iriniwok kaskina wiec e ototetcik ka pa nosanehwatcik Cecoca. Atita ototepanak Galilée askik, kotakihik nte neta askik, Mitato Otenaw ka icinikaterik. Kaie tapanak Jérusalem otenak ka ki pe ototetcik. Kiapatc kaie kotakihik Judée askik ototepanak, kaie nte askik akam sipik Jourdain ka ici takonik.

Mark 7:24

Aci neta matcaw Cecoc, nete itekera e icatc pecotcik otenariw ka ici takonik, Tyr ka icinikaterik. Peikw mikiwamik ki pitakew. Ki nataweritam aka kitci kiskeritakonik e taciketc neta, peikon aric ki petakaniwoniw.

Mark 7:31

Aci matcaw Cecoc nta Tyr otenak. Nte ki icaw Sidon otenak. Minawatc nte ki ici pe kiwew Galilée sakihikanik, e capotoweckak aniheriw askiriw, Mitato Otenaw ka icinikaterik.

Luc Omasinahikan 6:17

Minawatc iti pinisiwew Cecoc, e pe witcewikotc anahweriw ka ki orapamatc. Iti nokickaw ite e tatokwarik, mitcet nta owitcewakana e tacikeritci. Mitcetinaniwonikopan kaie e pehakaniwitc Cecoc, kaskina wiec nta Judée askik e ki pe ototeritci e pe natawapamikotc, Jérusalem otenak kaie kotakihi otenak Tyr kirika Sidon, rarewak kitcikamik ka ici aitakonik aniheriw otenariw.