Mark 3:7 - Kice Manito Ocki Omirwatcimowin

⁷ Cecoc iti matcawok kirika owitcewakana, neta rarewak Galilée sakihikanik e icatcik. Mitcet iriniwa iti nosanehikowok. Atita Galilée askik ototepanak, kaie Judée askik.

Mark 3:7 Iomraidhean Croise

Matio 10:23

Kecpin nekatcihikoiekwe peikw otenak, ocimokw, kotak otenak icakw. Tapwe ohwe ka witamatakok: nama moci ki ka ickwa tipatcimonawaw Mirwatcimowin kaskina otenaskak Israël askik epwamoci takocik anahwe Ka ki pe iriniwihitisotc.”

Matio 12:15

Cecoc ka petaketc aniheriw ka wi totamirispana anahweriw Pharisien iriniwa, ki matcaw neta. Mitcet iriniwa ki nosanehiko. Ki kikehew kaskina ka akosiritci.

Matio 12:16

Aric ki micta otcihiwew aka kitci tipatcimonaniwonik awin wir.

Matio 4:25

Micta mitcetipanak iriniwok kaskina wiec e ototetcik ka pa nosanehwatcik Cecoca. Atita ototepanak Galilée askik, kotakihik nte neta askik, Mitato Otenaw ka icinikaterik. Kaie tapanak Jérusalem otenak ka ki pe ototetcik. Kiapatc kaie kotakihik Judée askik ototepanak, kaie nte askik akam sipik Jourdain ka ici takonik.

Mark 1:39

Minawatc kaskina e irikokwarik ki pa aicaw neta Galilée askik. Mitcet cota aiamihe mikiwamiskak ki pa kakeskwew kirika ki orowiticohwew matci manitowa.

Mark 1:45

Ki tca matcaw anahwe iriniw, aric kaskina wiec e pa tipatcimotc aniheriw ka ki iciwepasitc. Ekoni wetci arimanikopanen otenak e wi pitaketc Cecoc. Aric nakewara nete otenak pe pa aitacikekopan nete aka e ici taniwonik. Peikon kaskina wiec ototaniwonikopan e pe natawapamakaniwitc.

Mark 3:20

Minawatc ki pe kiwew mikiwamik. Pe mitcetinaniwoniw neta. E apitc mitcetinaniwonik, nama wawatc ki mitcisowok Cecoc kirika owitcewakana.

Mark 4:1

Minawatc kiapatc taci kiskinohamakew Cecoc rarewak Galilée sakihikanik. Mitcetiriwa iriniwa ka pe natawapamikotc neta waska ka ici taciketc. E apitc mitcetiritci, ki nta positcimew. Ekoni ka ici apitc. Akotinopan anihe tciman, aniki tca iriniwok rarewak tacikepanak.

Luc Omasinahikan 23:5

Eckam kiciwewok e itetcik: “Kaskina wiec Judée askik matciparihew iriniwa, e cikimatc kitci cakotciharitci okimawa, arotc e ici kiskinohamaketc. Nete Galilée askik ki otci kitcipariw, nac ota ki pe takociniw.”

Luc Omasinahikan 6:12

Ani apitc ekoni e iti amatciwetc Cecoc e matinarik e nta aiamihatc. Kape tipiskwa itanaho nete, e pakoserimatc Kice Manitowa.

Luc Omasinahikan 6:17

Minawatc iti pinisiwew Cecoc, e pe witcewikotc anahweriw ka ki orapamatc. Iti nokickaw ite e tatokwarik, mitcet nta owitcewakana e tacikeritci. Mitcetinaniwonikopan kaie e pehakaniwitc Cecoc, kaskina wiec nta Judée askik e ki pe ototeritci e pe natawapamikotc, Jérusalem otenak kaie kotakihi otenak Tyr kirika Sidon, rarewak kitcikamik ka ici aitakonik aniheriw otenariw.

Jean 7:41

Kotakihik itewakopan: “Enko anihi ka ki itespan Kice Manito kitci pe iciticohwatc ota askik kitci akwacimiweritci!” Aric kotakihik ki itewok: “Galilée askik ia kata ki otciw anahwe ke pe iciticohwakaniwitc kitci akwacimiwetc?

Jean 7:52

Aci itakaniwiw Nicodème: “Kaie kir ia Galilée askik ki otcin? Wewerita tapwata Kice Manito Omasinahikan. Ki ka tca wapaten aka otci peikw ka nikan tipatcimotc Galilée askik e ki otcitc.” [

Ka ki aitotiskeritci Cecoc otarotakana 17:10

Kotc e iti tipiskarik, iriniwok ka tapwerimatcik Cecoca ki witcihewok Pwara kirika Silasa kitci matcaritci, nete kitci icaritci Bérée otenak. Ka takociniritci neta, ki pitakeriwa cota aiamihe mikiwamik.

Ka ki aitotiskeritci Cecoc otarotakana 17:14

Aric aniki ka tapwerimatcik Cecoca neta ka taciketcik ki itewok Pwara tecikotc kitci matcaritci, nte kitci icaritci kitcikamik itekera. Aric Silas kirika Timothée kiapatc ki tacikewok neta Bérée otenak.