Mark 3:3 - Kice Manito Ocki Omirwatcimowin

³ Itew Cecoc anihi iriniwa ka niponesiritci otcitcirik: “Pasiko, kaskina awik kitci wapamiskik.”

Mark 3:3 Iomraidhean Croise

Matio 12:10

Pa tacikepan neta peikw iriniw e niponesitc otcitcik. Aniki Pharisien iriniwok neta ka tacikewaspan nantowapatamowakopan ke otci itactahoratcik Cecoca. Ekoni wetci kokwetcimatcik: “Itactew ia kitirakonikewininak kitci kikehakaniwitc awik e arwepi kicikarik?”

Mark 3:2

Pharisien iriniwok neta ka tacikewaspan wewerita nanakatcihewakopan Cecoca e totamiritci, e wi kiskeritakik ke apitc kikehakwen awiriw e arwepi kicikarik. Nantowapatamowakopan meka ke ki otci itactahoratcik Cecoca.

Mark 3:4

Minawatc ki kokwetcimew Cecoc anahweriw ka taci kanawapakeritci, e itatc: “Ki kokwetcimitinawaw, tan e itemakak kitaiamihe irakonikewininak kitci totcikatek e arwepi kicikak? Kitci miro totawakaniwitc iriniw kekotc ma kitci matci totawakaniwitc? Kitci natokohakaniwitc e akositc, kekotc ma kitci pakiterimakaniwitc kitci nipotc?” Nama aric ki otci kitowok.

Luc Omasinahikan 6:8

Kiskeritamokopan Cecoc e iteritamiritci. Itew anihi iriniwa ka niponesiritci otcitcirik: “Pasiko! Nikanik tca pe icikapowi kaskina awik kitci wapamiskik!” Ekoni tca e ici pasikotc anahwe iriniw e nta icikapowitc nete nikanik.

Jean 9:4

E mekwa kicikak e icinakok, actew kitci itotiskeikw aniheriw otamirowin anahwe ka ki pe iciticohwitc. Aci kekatc iti tipiskaw. Nama tca awik kata ki otamiro.

1 Corinthe iriniwok 15:58

Sokikapowikw, niwitcicanak ka micta sakihitakok! Aka pakiterimokw! Mocak atoskectawakw Teperitciketc e irikokoteheiekw. Ki kiskeritenawaw meka aka wiskat ceckwat e mantokasoekw e totamekw, e mamweritakosiekw kirika Teperitciketc.

Galatie iriniwok 6:9

Aka tca atweritciketan mocak kitci miro totamokw. Kecpin meka aka ponitaikwe ani e totamokw, nikotin ki ka pe otitikonano anihe ka ki ici kackitamatisoikw e mirwacik, apitc otcitciparike kitci icinakok.

Pirip iriniwok 1:14

Aci mitcetiwok e tacitcik kiwitcicaninowok kirawe iti sokitehewok e tacikewak ota kipohotowikamikok. Eckam kaie nama iti koctatciwok kitci tipatatakik Kice Manito otarimwewiniw.

1 Pien 4:1

E ki nekatcitatc Krist mekwata ka pe pimatisitc ota askik, kaie kirawaw ki ta werinawaw mamowi kitci iterimoekw. Awik meka e nekatcitatc owiawik itekera, nama awocamec pameritam kitci nosanetatc pactatowiniw.