Mark 3:22 - Kice Manito Ocki Omirwatcimowin

²² Ka kiskinohamaketcik cota aiamihe irakonikewiniw Jérusalem otenak ki otci pe matcawok e pe icatcik neta Cecoca ka ici tacikeritci. Ki aiarimomewok e tca itatcik: “Matci manito, ‘Béelzébul’ e icinikasotc, enko anaha ka ki pitciteheckowatc Cecoca!” Kotakihik aitepanak: “Anahwe ka tiperimatc matci manitowa, enko na ka ki miratc Cecoca kitci kackitaritci kitci ki orowiticohwaritci manitowa!”

Mark 3:22 Iomraidhean Croise

Matio 10:25

Tipi iteritakoniw anahwe ka kiskinohamasotc nikotin kitci iteritakositc mia anihi ka kiskinohamakotc, peikon anahwe arotakan kitci iteritakositc mia anihi ka tiperimikotc. Nin, mia ka tiperitak e peikotenwesinaniwok nit iteritakosin. Ni ki marerimikowin ka icinikatikoian ‘Béelzébul, anahwe ka tiperimatc matci manitowa.’ Kirawaw tca ka tiperimitakok, kirawe awocamec ki ka marerimikowinawaw!”

Matio 11:18

Tapwe wirata, Capatis ki pe icaw, mocak e roskosotc, aka kaie e minikwetc minicaporiw, kirika itakaniwiw: ‘Matci manitowa ki pitciteheckako!’

Matio 12:24

Aric Pharisien iriniwok ka petawatcik, ki itewok: “Anahwe iriniw kackitaw kitci matceticohwatc matci manitowa, osam e ki mirikotc Béelzébula, anihi ka tiperimaritci kaskina matci manitowa, kitci ici kackitatc!”

Matio 15:1

Minawatc atita Pharisien iriniwok kirika ka kiskinohamaketcik cota aiamihe irakonikewiniw ki pe natawapamewok Cecoca, Jérusalem otenak e ki pe ototetcik. Kokwetcimewok Cecoca, e itetcik:

Matio 9:34

Aric aniki Pharisien iriniwok itewakopan: “Anahwe ka tiperimatc matci manitowa, enko na ka ki miratc Cecoca kitci kackitaritci kitci matceticohwaritci matci manitowa!”

Mark 7:1

Pharisien iriniwok kirika atita ka kiskinohamaketcik cota aiamihe irakonikewiniw ki mawotcihitowok waska Cecoca e ici tacikeritci. Jérusalem otenak ki ototewakopan.

Luc Omasinahikan 11:15

Atita aric itewakopan: “Ah! Béelzébul, anahwe ka tiperimatc matci manitowa, enko na ka ki miratc Cecoca kitci kackitaritci kitci ki orowiticohwaritci matci manitowa.”

Luc Omasinahikan 5:17

Peikwaw e kicikarik Cecoc taci kiskinohamakepan pitakamik mikiwamik. Pecotcik tacikepanak atita Pharisien iriniwok kaie iriniwok ka kiskinohamaketcik cota aiamihe irakonikewiniw. Nte pe ototewakopan kaskina otenaskak ka ici takonik Galilée kaie Judée askik, atita kaie Jérusalem otenak ki pe ototewok. Cecoc ki micta mackawisihiko Teperitcikeritci, e mirikotc kitci kikehatc ka akosiritci.

Jean 10:22

Minawatc ki otcitciparin neta Jérusalem otenak kitci makocaniwok kitci aiamihe mikiwam e tipickamomakak. Mekwata piponokopan.

Jean 7:20

Itiko anihi mitcet iriniwa ka natotakospan: “Ki ki pitciteheckakw matci manito! Awin na ka wi nipahisk?”

Jean 8:48

Minawatc aniki cota iriniwok itewok Cecoca: “Ni tapwanan, taina, e iteiak e Samarie iriniwiin, kaie e ki pitciteheckask matci manito?”

Jean 8:52

Aci itewok aniki cota iriniwok: “Aci tekaci ni kiskeritenan e ki pitciteheckask matci manito. Aci Abraham ki poni pimatisiw, acitc aniki ka pe nikan tipatcimowaspan ki poni pimatisiwok kaie wirawaw. Aric kir kit itwan, ‘Anahwe ka natotak nititewiniw nama wiskat kata poni pimatisiw.’