Mark 3:2 - Kice Manito Ocki Omirwatcimowin

² Pharisien iriniwok neta ka tacikewaspan wewerita nanakatcihewakopan Cecoca e totamiritci, e wi kiskeritakik ke apitc kikehakwen awiriw e arwepi kicikarik. Nantowapatamowakopan meka ke ki otci itactahoratcik Cecoca.

Mark 3:2 Iomraidhean Croise

Matio 12:10

Pa tacikepan neta peikw iriniw e niponesitc otcitcik. Aniki Pharisien iriniwok neta ka tacikewaspan nantowapatamowakopan ke otci itactahoratcik Cecoca. Ekoni wetci kokwetcimatcik: “Itactew ia kitirakonikewininak kitci kikehakaniwitc awik e arwepi kicikarik?”

Mark 3:3

Itew Cecoc anihi iriniwa ka niponesiritci otcitcirik: “Pasiko, kaskina awik kitci wapamiskik.”

Luc Omasinahikan 14:1

Peikwaw e arwepi kicikarik, Cecoc icakopan peikw Pharisien okimaw omikiwamirik e nta mitcisotc. Kotakihik iriniwok neta ka tacikewaspan wewerita nanakatcihewakopan Cecoca e wi wapamatcik ke itotiskeritci.

Luc Omasinahikan 20:20

Wewerita nanakatcihawakopan Cecoca. Ki iciticohwewok iriniwa kitci nanakatciharitci Cecoca, kitci tca miro iriniwikasotcik. Wikokwe paciwirewakopan Cecoca arotc kitci iteritci e kokwetcimakaniwiritci, ke ki otci itactahorakaniwiritci, kice okimak tca kitci iciwirakaniwiritci, kitci tipaskonikoritci, e mackawisimakanik otiperitamowiniw aniki kice okimawinik.

Luc Omasinahikan 6:7

Iriniwok ka kiskinohamaketcik aiamihe irakonikewiniw kirika Pharisien iriniwok wewerita nanakatcihewakopan Cecoca e totamiritci, e wi kiskeritakik ke apitc kikehakwen awiriw e arwepi kicikarik. Nantowapatamwakopan meka kekociciriw ke ki otci itactahoratcik Cecoca.

Jean 8:6

Wetci itetcik, wikokwe paciwirewakopan Cecoca arotc kitci iteritci, ke ki otci itactahoratcik. Tepirak ki cinicikiw Cecoc e masinahiketc rekak, otitohikan otcitci e totak.

Jean 9:16

Atita neta e tacitcik aniki Pharisien iriniwok itewok: “Anahwe ka ki totak, namaieriw Kice Manitowa ka ki pe iciticohikotc. Nama meka nosanetaw aniheriw cota aiamihe irakonikewiniw ka itemakanik aka kitci otamironaniwonik mekwata e arwepi kicikarik.” Aric kotakihik itewakopan: “Awik ka pactati iriniwitc nama kata kackitapan kitci ici mata kackitatc!” Aci nta papikaninitowakopan aniki iriniwok, papitoc e ici wapatakik.