Mark 3:18 - Kice Manito Ocki Omirwatcimowin

¹⁸ Minawatc Atre, Pirip, Barthélemy, Matio, Toma, Cak (Alphée anihi okosa), Thaddée, Simo (“Anahwe aka ka naheritak kitci tiperimikotc kice okimawa” ka icinikatakaniwispan),

Mark 3:18 Iomraidhean Croise

Matio 13:55

Namaiew ia ni anahwe, manike iriniw okosa? Mari tca, namaieriw ia ni anihi okawiwa? Kaie Cak, Sosep, Simo kirika Jude, namaieriw ia anihi ocima?

Matio 9:9

Cecoc matcapan neta. E pimotespan, peikw iriniwa ki wapamew, Matio ka icinikasoritci, e taci apiritci neta ka ici otamirotcik ka natockaketcik. Ki itew Cecoc: “Pe nosanehici!” Ekoni e ici pasikotc anahwe Matio e tca nosanehwatc.

Mark 2:14

E iti pimotetc, wapamew peikw iriniwa. Lévi icinikasoriw, Alphée anihi okosa. Nte taci apiripan neta ka ici otamirotcik ka natockaketcik. Itew Cecoc: “Pe nosanehici.” Ekoni e ici pasikotc anahwe Lévi e tca nosanehwatc.

Mark 3:17

minawatc Cak acitc ocima, Jean ka icinikasoritci, Zébédée anihi okosa e niciritci. (Kaie wirawaw ki mirikowok Cecoca kotakeriw icinikasowiniw. Boanergès ki icinikatikowok. Wi itemakan anihe icinikasowin: “Iriniwok mia onimiskiw ka asiteritakositcik.”)

Mark 3:19

acitc Judas Iscariote, anahwe ke pakiterimatc Cecoca.

Mark 6:3

Namaiew ia ni anahwe manike iriniw, Mari okosa? Namaiew ia ni kaie octesiwawa Cak kaie Joses, Jude kirika Simo? Namaiew ia ni wir kotakihi ocima ka ickweciwiritci ka tacikeritci ota kotenaminak?” Ekoni tca wetci aka ki tapwerimatcik Cecoca.

Jean 1:40

Aniki ka ki nosanehwatcik Cecoca, ka petawatcik Capatisa ka iteritci, peikw nta Atre icinikasopan, Simo Pien anihi ocima.

Jean 11:16

Minawatc peikw Cecoc owitcewakana, Toma, “Nicocan” ka icinikatakaniwitc, ki itew anahweriw kotakihi owitcewakana: “Matcatan kaie kirano, tapickotc kitci ki nipoikw kirika wir.”

Jean 14:22

Aci itiko peikw nta owitcewakana ka tacikerispan, Jude ka icinikasoritci —namaiew ni anahwe Judas Iscariote—: “Teperitcikein, kekwan ke otci ninan miriak kitci wapamitak, nama aric iriniwok ota askik ka nosanetatcik matci meskanariw?”

Jean 21:2

Tapickotc taci tacikewakopan anahwe Simo Pien kirika Toma —Nicocan ka icinikatakaniwitc—, kirika Nathanaël —Cana otenak ka otcitc, Galilée askik itekera—, kaie okosa Zébédée, acitc nicw kotakihi owitcewakana Cecoc.

Ka ki aitotiskeritci Cecoc otarotakana 1:13

Tekocikik Jérusalem otenak, icpimitakok mikiwamik ki iskwatowiwok, aricapik e icatcik, neta ko e ici mawotcihitowakopanen. Aniki ka ki taciketcik neta: Pien, Jean, Cak acitc Atre, Pirip, Toma, Barthélémy acitc Matio, Cak (Alphée okosa), Simo (“Anahwe aka ka naheritak kitci tiperimikotc kice okimawa” ka icinikatakaniwikopanen), kirika Jude (Cak okosa).

Ka ki aitotiskeritci Cecoc otarotakana 15:13

Ka ickwa arimwetcik, aci Cak itew: “Niwitcicanak, natotacikw!

Ka ki aitotiskeritci Cecoc otarotakana 21:18

Minawatc kecepawonik ni ki witcewikonan Pwar e nta kiwotamatc Caka. Ekota e ici mawotcihitowaspan kaskina ka nikaniwitcik aniki otci ka tapwerimatcik Cecoca.

1 Corinthe iriniwok 15:7

Minawatc ki totam Cecoc kitci wapamikotc Caka, minawatc kaskina otarotakana.

1 Corinthe iriniwok 9:5

Nama ia ni actew kitci nipowian iskwew ka tapwerimatc Cecoca kirika kitci matcewirak e pa pimatisian, mitowi kotakihik Teperitciketc otarotakana ka totakik, kaie tca Teperitciketc owitcican kaie wir Pien?

Galatie iriniwok 1:19

Nama ni ki otci wapamimaw kotakihi Cecoc otarotakana, tepirak anahwe Cak, Teperitciketc ocima.

Galatie iriniwok 2:9

Ani apitc aniki ka nikaniwiwaspan, ka kicteritakositcik e iterimakaniwitcik, Cak, Pien kirika Jean, ki iti nisitowinamok tapwe e ki miritc Kice Manito ohweriw mia otamirowiniw kitci itotiskewak. Ni ki pocokakonanak, nin kirika Barnabas, kitci ki wapatahimitc e ici naheritakik. Ekotca tapickotc ka ici naheritamak, nete ninan kitci ici nta otamiroak aka ka cota iriniwitcik ka ici taciketcik, wirawaw tca Pien kirika aniki kotakihik nete itekera kitci nta otamirowaspan cota iriniwok ka ici taciketcik.

Cak ka ki pe ici masinahiketc 1:1

Nin Cak ka masinahamatakok, Kice Manito e atoskectawak acitc Cecoc Krist Teperitciketc. Kit arimikatinawaw kirawaw Kice Manito otirinima, kaskina e taciekw, kaskina wiec ota askik wikockatc e ki oraticohokoiekw.

Jude 1:1

Nin Jude, ka masinahaman ohwe masinahikan, Cak owitcicana. Cecoc Krist nit atoskectawaw. Ki masinahamatinawaw kirawaw ka ki wicamitakw Kice Manito kitci nosanehwekw, ka sakihitakw Kotawino kaie ka kanawerimitakw Cecoc Krist.