Mark 2:18 - Kice Manito Ocki Omirwatcimowin

¹⁸ Peikwaw e kicikarik Capatis owitcewakana kirika Pharisien iriniwok roskosopanak. Aci atita iriniwok ki natawapamewok Cecoca e kokwetcimatcik: “Capatis owitcewakana kirika Pharisien iriniwok owitcewakaniwawa roskosoriwa. Kekwariw tca wetci aka totakik kir kiwitcewakanak?”

Mark 2:18 Iomraidhean Croise

Matio 23:5

Kaskina ka aitotisketcik, tepirak kitci wapamikotcik iriniwa wetci totakik. Itaspisowok kitci iterimikotcik iriniwa ‘miro aiamihawok.’ Akokatawok oskatikowak kekotc ospitinowak pweteciciriw e masinaterik pitc neta Kice Manito Omasinahikanik, kaie okapotowaniwawa e riwepiteriw.

Matio 6:16

“E roskosoekw, aka kackeritamikasokw, mia e itotisketcik iriniwok ka miro iriniwikasotcik e atcinakositcik otactamikowak kitci wapamikotcik kaskina awiriw e roskosotcik. Tapwe ohwe ka witamatakok: aci ickwa pe otitikowok aniheriw ka ki ici kackitamatisotcik.

Matio 6:18

aka kitci kiskeritakok e roskosoin. Wircike Kotawi kata kiskeritam, anahwe ka witci tacikemisk neta aka ka ici wapamikoin. Kirika anahwe mocak ka wapatak aniheriw katanok ka aitotiskein, Kotawi, ki ka mirikw aniheriw ka ki ici kackitamatisoin.”

Mark 2:19

Itikowok Cecoca: “Kecpin e ickwa nipowinaniwok, makocaniwon. Anahwe ka nipowitc wicamew okwimesa kitci pe nta witci mitcisomikotc. Kit iteritenawaw ia, aniki ka wicamakaniwitcik kata roskosowok mekwata kiapatc e tacikeritci anihi okwimesiwawa ka nipowiritci? Nama ketcinatc!

Luc Omasinahikan 18:12

Mocak nicwo kickwa tato manactakana ni roskoson kirika mocak nit aiamihe pakitinikan, e pokwenaman irikik e kanewian tato pipona, e mitatoniwok e miritan.’”

Rome iriniwok 10:3

Nama tapwe ki otci nisitotamok Kice Manito ka totak icikowisk kitci icinakosiritci iriniwa. Ki nantonamok kitci itactatcik wirawaw tipirawe e ici nataweritakik icikowisk kitci ki iteritakositcik. Ekoni wetci aka ki otci natotakik e totak Kice Manito icikowisk kitci icinakosiritci iriniwa.