Mark 2:16 - Kice Manito Ocki Omirwatcimowin

¹⁶ Iriniwok ka kiskinohamaketcik cota aiamihe irakonikewiniw, Pharisien iriniwok e ici apitcik, wapatamwakopan aniheriw e isparinik. Ki wapamewok Cecoca e witci mitcisomaritci anihi towiriw iriniwa. Itewok Cecoca owitcewakaniriw: “Kekwariw wetci witci mitcisomatc anahweriw ka natockakeritci kaie tca anihi kotakihi iriniwa aka ka kicterimakaniwiritci?”

Mark 2:16 Iomraidhean Croise

Matio 18:17

Kecpin aric aka wi natotawate kaie wirawaw anahweriw kotakihi iriniwa, ki ka nta arimotamowawok kotakihik ka tapwerimatcik Kice Manitowa. Kecpin tca kiapatc kaie anahweriw aka wi natotawate, ki ka iterimawaw mia awik aka ka tapwerimatc Kice Manitowa kekotc mia ka natockaketc, aka ka kicterimakaniwitc.”

Matio 5:46

Kecpin sakihekwe tepirak aniki ka sakihitakok, kekwan wetci petaiekw kitci cawerimitakw Kice Manito? Wawatc ka natockaketcik sakihewok anahweriw ka sakihikotcik.

Matio 9:11

Pharisien iriniwok ka wapatakik e isparinik, ki itewok Cecoca owitcewakaniriw: “Kekwariw wetci, witci mitcisomatc anahwe kikiskinohamake irinimiwaw anahweriw ka natockakeritci kaie tca anihi kotakihi iriniwa aka ka kicterimakaniwiritci?”

Mark 2:15

Minawatc ki nta mitciso Cecoc Lévi omikiwamirik. Mitcetiwok ka natockaketcik kaie kotakihik iriniwok aka ka kicterimakaniwitcik ki pe icawok e witci mitcisomatcik Cecoca kirika owitcewakana. Mitcetipanak meka iriniwok ani e ici pimatisitcik ka nosanehwatcik Cecoca.

Mark 2:7

“Ceckwat ani ici arimwew anahwe iriniw! Marerimew Kice Manitowa! Awin ke ki kasihak pactatowiniw? Tepirak kotc Kice Manito!”

Luc Omasinahikan 18:11

Aci anahwe Pharisien ki nanipowiw nakewar e aiamihatc e kakimotc, e itetc: ‘Ah Kice Manito, mikwetc kit ititin aka e pactati iriniwian mitowi kaskina kotakihik iriniwok ka kimotitcik, ka matci totakik kirika ka pacikwatisitcik. Mikwetc kaie aka e itatisian mitowi anaha ka natockaketc.

Luc Omasinahikan 19:10

Wetci meka ki pe icatc anahwe Ka ki pe iriniwihitisotc, kitci ni natcipahatc iriniwa ka ki oniciniritci kitci akwacimatc!”

Luc Omasinahikan 19:7

Kaskina ka ki wapamatcik ki marerimewok Cecoca, e itatcik: “Anahwe iriniw ki nta tacikew pactati iriniwa omikiwamirik.”

Luc Omasinahikan 5:30

Aric Pharisien iriniwok kaie iriniwok ka kiskinohamaketcik cota aiamihe irakonikewiniw tapickotc e ici aiamihatcik, ki kiciweritamok. Itewok Cecoca owitcewakaniriw: “Kekwan wetci witci mitcisomekok acitc e minikweiekw kirika ka natockaketcik kaie kotakihik iriniwok aka e kicterimakaniwitcik?”

Ka ki aitotiskeritci Cecoc otarotakana 23:9

Ki micta kakiciwewok e aimihitotcik, eckam mocak e iti kiciwekitatotcik. Atita ka kiskinohamaketcik aiamihe irakonikewiniw ka Pharisien iriniwitcik ki pasikowok aka e mirotowatcik, e itetcik e micta kiciwetcik: “Nama kekocic ni miskenan e ici maratanik anahwe iriniw Pwar ka itactahorakaniwitc. Manitowa kekotc aceriwa pot ki aimihikotake!”

1 Corinthe iriniwok 2:15

Awik ka pitciteheckakotc Miro Manitowa, kata kackitaw kaskina kitci tipaskoniketc kitci tca nisitowinak ka mirwacinik kaie ka maratanik. Nama aric kotak awiriw aka ka pitciteheckakotc Miro Manitowa kata ki tipaskoniko.

Hébreux iriniwok 12:3

Mamitonerimakw Cecoc ka ki ici miwotatc ka matci totakotc iriniwa, aka tca kaie kirawaw kitci atweritcikeiekw, kaie aka wipatc kitci pakiterimoekw.