Mark 2:12 - Kice Manito Ocki Omirwatcimowin

¹² Tecikotc pasiko anahwe iriniw. Otapinam otetaskonikan e iti pimotetc. Kaskina awik kanawapamewok. Micta mamiskateritamok. Mirwatcimewok Kice Manitowa e itetcik: “Pitcerak ni wapatenan ani e isparik!”

Mark 2:12 Iomraidhean Croise

Matio 12:23

Kaskina iriniwok neta ka tacikewaspan e mitcetitcik ki micta kockopariwok. Ki itewok: “Enko na potc anahwe Okimaw Tapit Okosa?”

Matio 15:31

Aniki iriniwok ki micta kockowapamowok ka wapamatcik anahweriw iriniwa aka ka nitaweritci aci e nitaweritci, ka maskisiritci aci e ki kikehakaniwiritci, ka atciwockaritci aci e miro pimoteritci kaie aka ka wapiritci aci e wapiritci. Ki tca micta mirwatcimewok Israël iriniwa Okice Manitomiwariw.

Matio 9:33

Mia apitc Cecoc e ickwa matceticohwatc anihi matci manitowa, kek anahwe iriniw kackitaw e arimwetc. Iriniwok neta ka mitcetiwaspan ki micta kockowapamowok kirika e itetcik: “Nama wiskat ki otci wapatcikatew anihe towi Israël askik!”

Matio 9:8

Aniki kaskina iriniwok neta ka tacikewaspan ka wapatakik aniheriw e isparinik, ki micta sekisiwok, kaie ki mirwatcimewok Kice Manitowa e ki miraritci iriniriw ani kitci ici kackitaritci.

Mark 1:27

Iriniwok neta ka tacikewaspan e apitc mamiskateritakik, kokwetcimitowok e itetcik: “Kekwan ni? Micta mackawisimakan ohwe ocki kiskinohamakewin! Wawatc matci manitowa itew ke itotiskeritci anahwe iriniw, kaie sapitako!”

Mark 2:11

“Ki witamatin, pasiko! Otapina kitetaskonikan! Kiwe kimikiwamik!”

Luc Omasinahikan 13:13

Ki takinew anihi iskwewa. Tecikotc ki tacokapowiriw, e micta mirwatcimaritci Kice Manitowa.

Luc Omasinahikan 17:15

Peikw nta e tacitcik ka wapatak e kiketc, pe kiwe natawapamew Cecoca nte e tacikerispana, e micta mirwatcimatc Kice Manitowa e kiciwetc.

Luc Omasinahikan 5:26

Kaskina awik ki micta kockowapamowok. Mirwatcimewok Kice Manitowa kirika e micta sekisitcik, e tca aitetcik: “Anotc micta kice mamiskateritakon ka ki ici wapatamokw!”

Luc Omasinahikan 7:16

Kaskina ki micta sekisiwok. Ki mirwatcimewok Kice Manitowa, e itetcik: “Aci kitci iriniw e nikan tipatcimotc ki pe takociniw ota kitci witci tacikemitokw!” Kirika e itetcik: “Aci Kice Manito ki pe icaw kitci wikotcihatc otirinima!”

Jean 7:31

Peikon mitcet nta e tacitcik asperimototawekopan. Itewakopan: “Takocike anahwe ka ki iteritci Kice Manitowa kitci pe iciticohikotc kitci akwacimiwetc, awocamec ia kirawe kata mata kackitaw patok anahwe iriniw?”

Jean 9:32

Nama wiskat ki ki otci petakanano awik kitci kikehatc iriniwa aka e ki otci wapiritci ka nitawikiritci.

Ka ki aitotiskeritci Cecoc otarotakana 4:21

Aniki iriniwok ka kitci tipaskoniketcik kiapatc ki kokwectasomewok, minawatc ki pakitinewok. Nama ki otci miskamawewok kekociciriw ke ki otci kicakonatcik. Kaskina meka iriniwok mirwatcimepanak Kice Manitowa aniheriw otci ka ki isparinik.