Mark 16:18 - Kice Manito Ocki Omirwatcimowin

¹⁸ Kecpin takonatawe kinepikwa ka matci mackikiwiritci kirika kecpin matci mackikiriw minikwetawe, nama wiec kata ispariwok. Kata takinewok awiriw ka akosiritci, kata miro pimatisiriw.”

Mark 16:18 Iomraidhean Croise

Mark 5:23

e tca pakoserimatc otcitakotc kitci witcihikotc: “Nitanis aci kekatc nipo,” itew anahwe ka nikaniwitc. “Petcimote, ki pakoserimitin. Pe nta takini, ekoni kitci kiketc, kiapatc tca kitci pimatisitc.”

Luc Omasinahikan 10:19

Natotacikw! Ki ki miritinawaw kitci takoskatekok kinepikok kirika mantcocak ka koctatikositcik, acitc kaskina kitci patakockamwekw omackawisiwin anahwe ka wi cakotcihitokw. Nama kekocic ki ka ki matci totakonawaw.

Ka ki aitotiskeritci Cecoc otarotakana 19:12

Ekoni wetci iciwitowakaniwiwakopanen ka akositcik mocweriw kekotc owikasimiriw, Pwara e ki apatcitaritci, e ki takickakoritci. Kikehikowakopan tca aniheriw e ici akositcik, kaie aniki ka ki pitciteheckakotcik matci manitowa orowirikopan.

Ka ki aitotiskeritci Cecoc otarotakana 3:12

Pien ka wapamatc anihi iriniwa e mitcetiritci, ki itew: “Israël iriniwok, kekwan wetci kockowapamoekw e ki kikehakaniwitc anahwe iriniw? Kekwan wetci pe itapiekw e kanawapamiak, mia mitowi ninan tipirawe e ki tipi mackawisiak kitci pimotehakitc anahwe iriniw, kekotc ma osam e ki tipi miro nosanehwakitc Kice Manito kitci ki ici kackitaiak!

Ka ki aitotiskeritci Cecoc otarotakana 3:16

Wetci ki mirakaniwitc mackawisiwiniw kitci kikehakaniwitc anahwe iriniw ka wapamekw kaie ka kiskerimekw, osam e asperimototawakaniwitc Cecoc, mictahi e mackawisimakanik oticinikasowin. Ekoni wetci tekaci ki kikehakaniwitc anahwe iriniw, mia ka ici wapatamekw kaie kirawaw.

Ka ki aitotiskeritci Cecoc otarotakana 4:10

Aci actew kitci kiskeritamekw ohwe, kirawaw kaskina e taciekw, kaskina kaie Israël iriniwok kitci kiskeritakik: wetci miro pimatisitc anahwe iriniw ka witcikapowictatakw, osam e ki apatanik oticinikasowiniw e mackawisimakanik, Cecoc Krist, Nazareth ka otcitc. Enko anahwe ka ki tcictaskowatekw tcipaiatikok, minawatc Kice Manito ka ki apitcipahatc.

Ka ki aitotiskeritci Cecoc otarotakana 4:22

Anahwe iriniw ka ki kikehakaniwitc awocamec nemitana tato piponesikopan.

Ka ki aitotiskeritci Cecoc otarotakana 4:30

Wapatahiwe kimackawisiwin kitci ki kikehakaniwitcik iriniwok, kitci mata kackitakaniwok kirika kitci matawi aitotiskaniwok, Cecoc oticinikasowin otci, kitarotakan e kitcitwawisitc.”

Ka ki aitotiskeritci Cecoc otarotakana 9:34

Ka wapamatc nte Pien, ki itew: “Énée, Cecoc Krist ki kikehikw! Pasiko kirika ocita kinipakanatikw!” Tecikotc ki pasiko Énée.

Rome iriniwok 16:20

Kice Manito, anahwe ka pakitinak pekaterimowiniw, aci kekatc kata cakotcitaw Matci Manitowa omackawisiwiniw. Kata totam kitci mackawisiekw kaie kirawaw kitci cakotcihekw. Ni pakoserimon omirotehewin Ka Tiperimitokw Cecoc Krist kitci witci tacikemikoekw.

1 Corinthe iriniwok 12:9

Kiapatc kotak awik miriko Miro Manitowa kaketin kirawe kitci ki asperimototawatc Kice Manitowa. Minawatc kotak kiapatc miriko mackawisiwiniw kitci ki matci kikehatc ka akosiritci. Enko anahwe peikonok Miro Manito, peikociw meka tepirak.