Mark 16:15 - Kice Manito Ocki Omirwatcimowin

¹⁵ Minawatc ki itew Cecoc: “Kaskina e irikokoskamikak pa icakw, Mirwatcimowin kitci tipatcimoiekw, kaskina awik kitci petak.

Mark 16:15 Iomraidhean Croise

Matio 28:19

Natawapamakok kaskina iriniwok ota askik, kaskina wiec e pe otcitcik, kotc e icinakositcik. Witcihakok kitci nosanehwitcik, kaie sikahatowakok, kitci iteiekw, oticinikasowinik e Otawiwitc kaie Weokositc kaie Miro Manito.

Mark 13:10

Enko meka anihe nictam ke isparik: kaskina iriniwok ota askik kata tipatcimoctawakaniwiwok ohweriw Mirwatcimowiniw.”

Jean 15:16

Namaiew kirawaw ka ki orapamiekw, aric nin ni, ka ki orapamitakok. Ki ki miritinawaw kitci nta miro totamekw, kitci pakitinamekw miro totamowin mocak ke mirwacik. Ki ka tca mirikowaw Notawi kaskina ke ici nataweritamawekw, niticinikasowin otci.

Jean 20:21

Kiapatc ki itew Cecoc: “Pekateritamokw! Mia peikon mitowi Notawi ka ki pe iciticohwitc ota askik, anotc kaie nin kit iciticohotinawaw.”

Ka ki aitotiskeritci Cecoc otarotakana 1:2

nac aniheriw e kicikarik ka ocpickatc, wakwek ka icatc. Aric epwamoci ocpickatc, ki witamawew otarotakana ka ki orapamatc e ici nataweritak ke totamiritci. Miro Manitowa meka sokiteheckakopan mekwata e kiskinohamaketc.

Ka ki aitotiskeritci Cecoc otarotakana 1:8

Aric ki ka pe otitikonawaw mackawisiwin, apitc Miro Manito nitcirete kitci witci tacikemitakw. Kaskina wiec tca ki ka tipatciminawaw Jérusalem otenak, kaie kaskina wiec Judée askik acitc Samarie askik, nac kaskina e irikokoskamikak.”

Rome iriniwok 10:18

Ekoni wetci kokwetcimitakok: Tapwe ia ni cota iriniwok nama ki petamok aniheriw tipatcimowiniw? Tapwe ki petamok! Masinatew meka Kice Manito Omasinahikanik: “Ki matcawok iriniwok e tipatatakik Kice Manito otitewiniw kaskina e irikokoskamikarik, ki totamok kaskina kitci petakonik, misawatc e rawonakonik.” Psaumes 19.5(4)

Rome iriniwok 16:26

Aci anotc ki pakitinam tekaci kitci kiskeritcikaterik. Kiskeritakon meka e tapwatcikaterik aniheriw masinahikaniw ka ki pe nikan tipatcimotcik ka ki ici masinahakik, mia ka ki ici nataweritak Kice Manito, wir ka kakike pimatisitc, kaskina iriniwok papitoc askik ka taciketcik kitci kiskeritakik, kotc tan wetotetcik, kitci ki tapwerimatcik kaie kitci ki natotawatcik.

Éphèse iriniwok 2:17

Ki tca pe nta tipatatam pekateritamowiniw, kaskina kirawaw otci ka rawapamekopanen weckatc Kice Manito acitc aniki ka pecowapamekopanen.

Colosse iriniwok 1:23

Actew aric kiapatc mocak kitci asperimototawekw Kice Manito, wewerita kitci sokikapowiekw, aka kitci pakiterimitisoekw kitci oniwirikoiekw e pakiteritamekw anihe asperimowin ka ici tatamekw esko ka petamekw Mirwatcimowin. Aci kaskina iriniwok ota askik ki tipatcimoctawakaniwiwok aniheriw Mirwatcimowiniw. Enko anihe peikon Mirwatcimowin ka atoskectaman, nin Pwar.

Colosse iriniwok 1:6

Mirwatcimowin icinakon mia mitowi wapiminatikw ka mirokitc nac kitci kinwaskositc kaie ka ici nitawikiritci mitcet wapimina. Kaskina wiec ota askik eckam iti mitcetiwok iriniwok ka petakik aniheriw Mirwatcimowiniw kirika ka otci nosanehwatcik Kice Manitowa, mitowi aci e ki isparik kaie kirawaw ka iti nosanehwekw, nictam ka petamekw Kice Manito omirotehewin tapwe e icinakonik.

1 Jean 4:14

Ohwe kaie ni ki wapatenan kirika ni tipatcimonan: Kotawino e ki pe iciticohwatc Okosa wircike kitci akwacimiweritci ota askik.

Ka ki ici wapatahakaniwitc Jean 14:6

Minawatc kotak ni ki wapamaw peikw aceriw icpimik waskok e miretc. Petaw Mirwatcimowiniw aka wiskat ke ickwaparinik, e pe nta witamawatc kaskina iriniwa ota askik ka tacikeritci: kaskina wiec e wetciritci, kaskina e tato otenwesiritci, kaie kaskina papitoc e ici arimweritci.