Mark 16:14 - Kice Manito Ocki Omirwatcimowin

¹⁴ Mekwata tapickotc e mitcisotcik Cecoc owitcewakana, kek ki otci nokosiw Cecoc. Ki itew anahweriw otirinima: “Kekwan wetci aka ki otci asperimototawiekw? Kekwan wetci ki micta mackoteheiekw, aka kitci tapwetowekok aniki ka ki wapamitcik ka ickwa apitcipawak?”

Mark 16:14 Iomraidhean Croise

Matio 11:20

Cecoc ki iti kakeskimew iriniwa neta otenak ka ki ici mawotci mata kackitaspan, osam aka e ki otci kweskatisiritci. Ki itew:

Matio 17:20

Itikowok Cecoca: “Osam nama ki tipi asperimototawaw Kice Manito. Tapwe ohwe ka witamatakok: kecpin ni irikokwake kitapwetamowiniwaw mitowi kitikanicic e irikokwak rimotat ka icinikatek ka micta apicacik, ki ta itanawaw anihe matinacic, ‘Atipi ota, nete tca ica.’ Kata tca atciparinopan. Nama kata takonopan kekocic aka kitci kackitaiekw. [

Matio 28:17

Kek ka wapamatcik Cecoca, ki nipiskoctawewok e kicterimatcik. Atita aric neta e tacitcik anwetamwakopan.

Mark 7:18

Aci itew: “Kaie kirawaw ia, nama ki kackitanawaw kitci nisitotamekw? Nama ia ni ki nisitotenawaw, awik e mitcik kekociciriw, namaieriw aniheriw ka otci iterimikotc Kice Manitowa ‘ometciw.’

Luc Omasinahikan 24:11

Nama aric ki otci tapwetakowok, osam e iteritamiritci e itatisoketcik: “Kiwockweritamokw aniheriw ka itetcik.”

Luc Omasinahikan 24:25

Minawatc itikowok Cecoca: “Tekaci nama kekocic ki kiskeritenawaw! Ki niramisinawaw kitci tapwetamwekw aniheriw weckatc ka ki masinahakik ka ki pe nikan tipatcimowaspan!

Jean 20:25

Ki witamako anahweriw kotakihi Cecoc owitcewakana: “Ni ki wapamanan Teperitciketc!” Aric ki itew anahwe Toma: “Kecpin aka wapatamowake kaie aka takinamowake ka ki ici namehikotc tcictaskowakaniw otcitcik, kaie aka takinamowake ka ki ici namehwakaniwitc ospakak cimakana, nama ni ka tapweten.”

Jean 20:26

Ka ickwa peikwo manactakanikarik, aci minawatc Cecoc owitcewakana mawotcihitowakopan mikiwamik. Kaie wir Toma nete tacikekopan. Kiapatc ki kipaskohikateriw ickwatemiriw. Peikon ki otci pe nokosiw Cecoc neta e ici taciketcik, e itatc: “Pekateritamokw!”

Jean 20:27

Minawatc ki itew anihi Tomawa: “Pe nta takina ota. Kanawapata nitcitcia. Pe nta itina kitcitci kitci tca takinaman ota nispakak. Ponita ka anwetaman. Tapweta!”

Jean 21:1

Minawatc kiapatc Cecoc ki wapamiko owitcewakana neta rarewak sakihikanik, Tibériade ka icinikaterik. Ekoni e iciwepanikopanen ani apitc ka pe nokositc:

Jean 21:14

Ekoni aci nictowaw e nokohitisotc owitcewakana otci, esko ka apitcipatc.

Ka ki aitotiskeritci Cecoc otarotakana 1:3

Tapwe wirata, ka ickwa nipotc, enko anahweriw otarotakana ka ki wapatahatc tapwe e pimatisitc, kaskina wiec e ki aitotisketc kitci wapatahatc. Nemitana tato kickwa irikik ki natawapamew e nta arimotamawatc Kice Manitowa Okimawiniw.

1 Corinthe iriniwok 15:5

Ka ickwa apitcipatc Cecoc, ki totam kitci wapamikotc Piena acitc kotakihi e mitato acitc niciritci otarotakana.

Ka ki ici wapatahakaniwitc Jean 3:19

Kaskina ka sakihakik, ni witamawawok icikowisk kitci matcatcik, kaie peikon ni sikiskimawok kecpin aka mia e itatisitcik. Mantokasokw kitci nosanehwiekw kaie kweskatisikw.