Mark 16:1 - Kice Manito Ocki Omirwatcimowin

¹ Ka ickwa arwepi kicikarik, aniki iskwewok e nictitcik (Mari, Magdala otenak ka otcitc, acitc Mari, Cak okawiwa, kaie Sarome) ki nta otapinamok pimiteriw ka miromakonik, e wi ciconamowatcik Cecoca owiawiriw e ickwa niporitci.

Mark 16:1 Iomraidhean Croise

Mark 14:3

Nete Béthanie otenacik pa tacikepan Cecoc, neta omikiwamirik iriniwa, Simo ka icinikasoritci. Anahwe Simo omikiwapinekopan. Mekwata e mitcisospan Cecoc mitcisowakanik, aci peikw iskwew ki pe pitakew, e petaritci opotaciriw ka micta mirwacinik, ka mirwapiskosiritci asiniwa e ki apatcihakaniwiritci e ocitakaniwonik aniheriw opotaciriw, tekaci e mockineperik neta pimiteriw ka miromakonik e misakitakonik. Ki pikotaw onoskotc aniheriw opotariw. Ki iti sikinamwew Cecoca octikwanirik aniheriw pimiteriw ka miromakonik.

Mark 14:8

Ki totam anahwe iskwew e ici kackitaspan. Ni ki pe actamakw ka miromakonik niwiawirik, e wi nisawihitc kitci nahikakowan matikowocik.

Mark 15:40

Atita iskwewok nete pa tacikewakopan, warawik e otapiketcik. Peikw anahwe, Mari, Magdala otenak ka otcitc, tacikepan nte, kaie kotak Mari (okawiwawa Cak, anahwe “ka ocki pimatisitc” ka icinikatakaniwikopanen ko, kirika Joses) kirika tca Sarome.

Mark 15:42

E iti otakocinik, aci takociniw peikw iriniw, Sosep e icinikasotc, Arimathée otenak ka otcitc. Kicterimakaniwipan anahwe Sosep, nte e ici apispan ka ici apiritci Ka Kitci Tipaskonikeritci cota iriniwok otci. Asperimopan kaie wir kitci takociparinik Kice Manitowa Okimawiniw. Aci aniheriw e kicikarik epwamoci arwepi kicikarik, ka nisawitcik ko cota iriniwok kitci aiamihatcik, ekoni ka icatc anahwe Sosep nete kice okimak, Pilate. Nama ki otci cakwerimo e nta nataweritamawatc aniheriw Cecoca owiawiriw.

Mark 15:47

Anahwe Mari, Magdala otenak ka otcitc, kirika kotak Mari, Joses okawiwa, kanawapikewakopan e nahikowakaniwiritci Cecoca.

Mark 16:2

Wipatc kicepa e manactakaniwonik, kotc e sakasikeritci pisimwa, matcawakopan, nete e icatcik matikowocik.

Mark 16:8

Ki orowiwakopan neta aniheriw omatikowocirik ka ici acterik aniki iskwewok. Ocimowakopan. Micta nanikipariwakopan, e micta sekisitcik. Nama otci papamatisokewakopan, osam e micta sekisitcik. [

Luc Omasinahikan 23:54

Ani e kicikak, tcipaiatikw kicikakopan, aci tca kekatc kitci kitciparik e arwepi kicikak.

Luc Omasinahikan 23:56

Minawatc ki kiwewok e nta ocitatcik pimiteriw ka miromakonik ke nta actawatcik Cecoca owiawirik. Minawatc tca, aci e arwepi kicikarik, ki arwepiwok, kotc e itemakanik cota aiamihe irakonikewiniw kitci totcikaterik.

Luc Omasinahikan 24:1

Wipatc e kicepawocinik e manactakaniwonik, aniki iskwewok ki icawok matikowocik, e pe iciwitatcik pimiteriw ka miromakonik e ki ocitatcik.

Jean 19:25

Pecotcik Cecoc otcipaiatikomik icikapowiwakopan okawiwa, Mari, acitc otosa, acitc Clopas okoma, Mari kaie wir e icinikasoritci, acitc kotak anahwe Mari, neta otenak Magdala ka otcitc.

Jean 19:31

Tcipaiatiko kicikakopan. Nama nataweritamwakopan aniki cota okimawok kiapatc kitci itakokeritci otcipaiatikomirik awiriw ka ki tcictaskowatakaniwiritci e mekwa arwepi kicikarik. Anihe e arwepi kicikak micta kicteritakonokopan cota aiamihewinik itekera. Ki tca nataweritamawewok anihi Pilata kitci iteritci kitci natwakatehakaniwiritci iriniwa ka ki tcictaskowatakaniwiritci tcipaiatikok, minawatc acitc kitci nitanakaniwiritci owiawiwariw.