Mark 15:21 - Kice Manito Ocki Omirwatcimowin

²¹ Tapan nte peikw iriniw, Cyrène otenak ka otcitc. Simo icinikasopan, Arikisan kaie Rufus otawiwawa. Mia pimotekopan neta, nte e ototetc okitikan askik. Cimakanicak ki cikimewok anihi iriniwa kitci miwiraritci Cecoca otcipaiatikomiriw.

Mark 15:21 Iomraidhean Croise

Matio 27:32

E iti orowitcik otenak, ki nakickawewok peikw iriniwa. Cyrène otcirikopan. Simo icinikasoripan. Cimakanicak ki icikemewok anihi iriniwa kitci miwiraritci Cecoca otcipaiatikomiriw.

Matio 5:41

Kecpin awik itiske: ‘Patam ki ka miwotamowin ohwe ka kosikok peikwo tipahikan irikik e asitcarik,’ nitowatc nicwo tipahikan irikik ki ka iciwitawan aniheriw.

Mark 15:20

Ka ickwa papirotowatcik, ki maninamawewok aniheriw kapotowaniw ka mikwekacinik. Wir tipirawe owikasimiriw ki piskamotarewok. Minawatc ki orowitahewok neta kice okimawa omikiwamirik kitci nta tcictaskowatatcik tcipaiatikok.

Luc Omasinahikan 14:27

Kaie anahwe aka ka miwiratc otcipaiatikoma kitci ki tca nosanehwitc, nama kaie wir ni ka ki witcewikw.”

Luc Omasinahikan 23:26

Aci cimakanicak ki matcewirewok Cecoca ki nakickawewok iriniwa, Cyrène otenak e pe otciritci. Simo icinikasoripan. Pe kiwepan anahwe Simo, kitikan askik e ototetc. Cimakanicak ki makonewok. Ki pitciwonikehewok tcipaiatikwa kitci miwiraritci Cecoca otci, e nosanehwaritci.

Jean 19:17

Wir tipirawe ki pimitinikamew otcipaiatikoma e orowitc otenak, nete tca e icatc Octikwanikekan Matinacic ka icinikaterik. —Golgotha icinikateriw hébreu e ici arimwaniwonik.—

Ka ki aitotiskeritci Cecoc otarotakana 11:20

Mekwata atita ka tapwerimatcik Cecoca nete ka otciwaspan Chypre minictikok kirika Cyrène otenak, ki icawok Antioche otenak. Aci aimihepanak iriniwa aka ka cota iriniwiritci e witamawatcik Mirwatcimowiniw Teperitcikeritci Cecoca otci.

Ka ki aitotiskeritci Cecoc otarotakana 13:1

Aniki ka tapwerimatcik Cecoca neta Antioche otenak ka tacikewaspan tapanak neta atita ka tipatcimotcik Kice Manitowa otci kirika atita ka kiskinohamaketcik: Barnabas, Simion —arica icinikatakaniwipan anahwe Makate Iriniw—, Lucius —Cyrène otenak otcipan—, kaie kotak iriniw, Manaën ka icinikasotc, —enko anahwe tapickotc ka ki nitawikihakaniwitcik acitc anihi okimawa Hérode, Galilée askik e tiperitamirispana—, kirika Saul.

Ka ki aitotiskeritci Cecoc otarotakana 2:10

Kiapatc kotakihik otciwok Phrygie, Pamphylie, acitc Égypte, Libye itekera pecotcik otenak Cyrène. Kaie tawok otenak Rome e ototetcik,

Ka ki aitotiskeritci Cecoc otarotakana 6:9

Aric atita cota iriniwok nama naherimewakopan anihi Étienna. Neta ko ici mawotcihitowakopan peikw cota aiamihe mikiwamik ka icinikaterik “Aiamihe mikiwam cota iriniwok otci ka ki tiperitakosiwakopanen minawatc ka ki pakitinakaniwitcik.” Nte pe ototewakopan Cyrène otenak kirika Alexandrie otenak. Kotakihik kiapatc cota iriniwok tapanak neta aka ka natawerimawakopanen Étienna, nte itekera Cilicie askik kirika kotakihik nte Asie askik e pe ototewaspan. Kikamepanak.

Rome iriniwok 16:13

Minawatc nit arimikowaw Rufus, ka miro atoskectawatc Teperitcikeritci, kaie otcotcoma, ka iterimimaki mia tipirawe nikawi.