Mark 15:19 - Kice Manito Ocki Omirwatcimowin

¹⁹ Mitcetwaw ki otatamohwewok octikwanirik, mictikociriw e totakik, kaie ki iskwatewok. Kirika tca ki nipiskoctawewok, kiapatc e kicterimakasotcik.

Mark 15:19 Iomraidhean Croise

Matio 27:30

Ki iskwatewok kaie ki otapinamok papeikw aniheriw mictikoriw e otatamohwatcik octikwanirik.

Mark 10:34

Kata papirotako. Kata iskwatiko. Kata pasakactehiko kirika kata nipahiko. Minawatc ickwa nicto kickokarike kata apitcipaw.”

Mark 14:65

Atita neta e tacitcik, ekoni e ici kitciparitcik e iskwatatcik. Ki akonakwenehwewok kirika ki pasakwehwewok, e itatcik: “Awin ka ki otamohwisk?” Ki tca makonewok aniki cimakanicak kirika tca e ki macikowatcik.

Mark 15:18

Ekotca e ici kicterimakasotcik e itatcik: “Kwei, cota iriniwok okimamiwawa!”

Mark 15:20

Ka ickwa papirotowatcik, ki maninamawewok aniheriw kapotowaniw ka mikwekacinik. Wir tipirawe owikasimiriw ki piskamotarewok. Minawatc ki orowitahewok neta kice okimawa omikiwamirik kitci nta tcictaskowatatcik tcipaiatikok.

Mark 9:12

Itikowok Cecoca: “Tapwe wirata wirctam kata pe icaw Élie kitci pe nta wecitatc kaskina ka matciparinik, mia ocki kitci iteritakonik. Aric nin ki witamatinawaw: aci ickwa takociniw anahwe Élie. Ki aitotawewok iriniwok ka ki aiteritakik, kotc e itacterik Kice Manito Omasinahikanik. Ekoni peikon ke ici nekatcitatc anahwe Ka ki pe iriniwihitisotc, kirika kata wepakonakaniwiw, kotc ka masinaterik Kice Manito Omasinahikanik.”

Luc Omasinahikan 22:63

Aniki iriniwok ka nanakatcihawakopanen Cecoca papirotawewakopan kirika otatamohwewakopan.

Luc Omasinahikan 23:11

Minawatc Hérode kirika ocimakanicima ki pokonemewok Cecoca, e papirotowatcik. Ki pictokopehewok akopiriw e micta mirwekinik. Ekotca Hérode e ici koski iciticohwatc Cecoca, nete Pilate e ici tacikeritci.

Luc Omasinahikan 23:36

Cimakanicak kaie wirawaw papirotawewakopan Cecoca. Pecotcik natawapamewakopan, pinekinaporiw e itinamowatcik kitci minikweritci,

Rome iriniwok 11:4

Ki mikawinawaw ia Kice Manito ka ki itatc anihi Élie? Ki itew: “Nama tepirak ki peikocin e nosanehoin. Kiapatc nicwasowaw kice mitato mitana taciwok iriniwok ka kanawerimakik aka e ki otci nipiskoctawatcik manitokana ka icinikatakaniwiritci Baal.” 1 Rois 19.18

Pirip iriniwok 2:10

Nataweritamopan Kice Manito, kaskina ka pimatisiritci, waskok kaie ota askik, acitc atamik askik ka tacikeritci, kitci nipiskoctawaritci Cecoca, kitci kicteritcikaterik oticinikasowiniw,

Hébreux iriniwok 13:13

Icatan tca kaie kirano orowitimik ka ici kapecinaniwok kitci ki natawapamokw Cecoc. Mia wir ka ki ici marerimakaniwitc, ekoni kaie kirano ke ici marerimikoikw.