Mark 14:7 - Kice Manito Ocki Omirwatcimowin

⁷ Mocak kata tawok ka kitimakisitcik ota ka ici tacikeiekw. Tatwaw nataweritamekwe kitci miro totawekok, ki ka kackitanawaw kitci totamekw. Aric nin, nama mocak ki ka witci tacikemitinawaw ota.

Mark 14:7 Iomraidhean Croise

Matio 26:11

Mocak meka kata tawok ka kitimakisitcik ota ka ici tacikeiekw. Aric nin, nama mocak ki ka witci tacikemitinawaw ota.

Mark 14:6

Aci Cecoc itew: “Ponihakw! Kekwan wetci nekasimekw? Micta mirwaciniw aniheriw ka ki totak nin otci.

Jean 13:33

Ninitcanicak, memacic tepirak kiapatc ki ka witci tacikemitinawaw. Ki ka nantowapaminawaw, nama aric ki ka ki pe icanawaw nte ke icaian. Enkweriw aci ka ki itakik kaie wirawaw kotakihik cota iriniwok.”

Jean 16:28

Notawi otitawinik ni ki pe otcin, kirika ota askik ni ki pe ican. Aci ni ka nakaten ohwe aski, Notawi kitci natawapamak.”

Jean 16:5

Aci ni ka natawapamaw anahwe ka ki pe iciticohwitc. Nama aric otci peikw neta e taciekw ni kokwetcimikw: ‘Tante e icain?’

Jean 17:11

Nama awocamec ni ka tacikan ota askik, aric wirawaw kiapatc ota kata tacikewok. Nin ki ka natawapamitin, Notawi, kir ka kitcitwawisiin. Nanakatcihik nitirinimak, kimackawisiwin kitci totaman, anihe peikon mackawisiwin ka ki pe acotamawiin, kitci tca iteritakositcik mia peikw awik, mitowi kaie kirano peikw e iteritakosiikw.

Ka ki aitotiskeritci Cecoc otarotakana 3:21

Aric anotc, pitama ni, wakwek tacikew anaha Cecoc Krist, nac kitci otcitciparinik aniheriw e kicikarik Kice Manito kitci wecitatc kaskina kekociciriw, mia ocki kitci iteritakonik. Enkweriw meka mia aci weckatc ka ki ici witamakerispana anahweriw onikan tipatcimo irinima e kitcitwawisiritci, weckatc ka ki pe iciticohwatc kitci tipatcimoritci wir otci.

Philémon 1:7

Ni micta mireriten, niwitcican, kaie ni sokeriten, e kiskeritaman e micta sakihatcik kiwitc iriniwok. Ki ki meka kakitcihawok iriniwok kaie wirawaw ka tapwerimatcik Cecoca.