Mark 14:6 - Kice Manito Ocki Omirwatcimowin

⁶ Aci Cecoc itew: “Ponihakw! Kekwan wetci nekasimekw? Micta mirwaciniw aniheriw ka ki totak nin otci.

Mark 14:6 Iomraidhean Croise

Matio 26:10

Cecoc petawew ani e ici arimweritci. Aci itew: “Kekwan wetci nekasimekw anahwe iskwew? Micta mirwaciniw aniheriw ka ki totak nin otci.

Mark 14:5

Matci kata ki atawepan awik, nictowaw mitato mitana coriawapiskoriw kitci kackitatc, kitci ki tca miraspan ka kitimakisiritci.” Nama nac ponimewok anihi iskwewa.

Mark 14:7

Mocak kata tawok ka kitimakisitcik ota ka ici tacikeiekw. Tatwaw nataweritamekwe kitci miro totawekok, ki ka kackitanawaw kitci totamekw. Aric nin, nama mocak ki ka witci tacikemitinawaw ota.

Ka ki aitotiskeritci Cecoc otarotakana 9:36

Neta Jaffa otenacik tapan peikw iskwew e tapwerimaspan Cecoca, Tabitha icinikasopan. —Grec e ici arimwaniwok, anihe icinikasowin, Dorcas itwaniwon, wackeciw e wi itemakak.— Anahwe iskwew aspinikotc otamikepan e otamirotc e miro totak kirika e witcihatc ka kitimakisiritci.

2 Corinthe iriniwok 10:18

Anahwe meka ka mirwatcimikotc Teperitcikeritci, enko na ke mirerimikotc, nama aric anahwe ka mirwatcimitisotc.

2 Corinthe iriniwok 9:8

Kackitaw kaie Kice Manito kaskina kekociciriw kitci cawerimitakw, nakowi e icinakonik, mocak kitci ici takok kaskina wa irapatcitaiekw, kirika wawatc ki ka tipiparinawaw kitci ki cawerimekw kiwitc iriniwaw kitci witcihekw.

Éphèse iriniwok 2:10

Wir meka Kice Manito ka ki ocihitokw. Ki ki kicerimikono mocak kitci miro totamokw, e mamweritakosiikw kirika Cecoc Krist. Enkweriw ni aci kicatc ka iteritakipan kitci ici pimatisiikw.

Colosse iriniwok 1:10

Ki ka tca kackitanawaw wewerita kitci itatisiekw kotc e ici nataweritak Teperitciketc otirinima kitci itatisiritci, mocak e miro totamekw kotc e ici mireritak. Kata mitcen tca ke miro totamekw e nakowi aicinakok, kirika mocak eckam ki ka miro kiskerimawaw Kice Manito.

2 Thessalonique iriniwok 2:17

kitci sokiteheckatakok, kirika kitci acotamatakok kitci mackawisiekw mocak kitci miro totamekw kaie kitci miro arimweiekw.

1 Timothée 5:10

kaie kitci kiskeritakositc mocak e ki pe miro totak, kaie wewerita e ki mihatc onitcanica mekwata e matcekiritci, acitc wewerita e ki mihatc owitc iriniwa omikiwamik ka pe kiwotamikotc, kirika e ki kisisipatcisitenatc owitc iriniwa ka tapwerimaritci Cecoca, kaie e ki witcihatc owitc iriniwa e arimipariritci, acitc mocak e ki miro totak e pa witcihiwetc. Aniheriw e ki pe miro totak matci kata ki masinahwakaniwiw cikaw masinahikanik kitci witcihakaniwitc.

1 Timothée 6:18

Witamawik kitci miro totakik, kitci mitcenik omiro totamowiniwaw, kitci mirotehetcik, kaie mocak kitci cawerimatcik owitc iriniwawa e ici notepariritci.

2 Timothée 2:21

Peikon kaie kecpin awik e totak kitci maninikaterik aniheriw ka maratanik otehik, kata iteritakosiw kitci totak kekociciriw e kicteritakonik. Kata mirwapatisiw okimama otci, mitowi anihe orakan ka kicteritakok kitci iteritakositc, e ickwa aiketc kitci totak ka mirwacinik, kotc e icinakonik.

2 Timothée 3:17

Kaskina aniheriw ki mirew Kice Manito otirinima kitci ickwa aikeritci, kitci miro nisawiritci kaskina kitci nakickamiritci, mocak ka mirwacinik kitci nosanetaritci.

Tite 2:14

Ki pakiterimitiso kirano otci kitci ki otci wikotcihitokw kaskina ka maratanik, aci kitci ki mirwinakosiikw kitehinak, wir tipirawe otirinima kitci ki iteritakosiikw, kitci ki mocak wi miro totamokw.

Tite 2:7

Minawatc kaie kir mocak tepirak ka mirwacik ki ka itotiskan kitci ki keskinowapamiskik. Tekaci wewerita kiskinohamake, kitehik kitci otciparik, aka arica e itein kekocic.

Tite 3:14

Acteriw kaskina ka nosanehwatcik Cecoca kirika kirano kitci mantokasotcik kaie wirawaw mocak kitci miro totakik, mocak kitci ki witcihatcik iriniwa ka notepariritci kekociciriw. Kata tca mirwapataniw opimatisiwiniwaw.

Tite 3:8

Enko anihe ka ketcinaweritamokw kitci isparik. Ni nataweriten mocak kaskina anahwe kaketin kitci ici witamawotcik iriniwok, kitci otci wikokwe mocak itotisketcik aniki ka tapwerimatcik Kice Manitowa. Enko anihe ka mirwacik kaie ke ki witcihikotcik kaskina iriniwok.

Hébreux iriniwok 10:24

Nanakatcihitotan kaskina tato nta e taciikw e witcihitoikw awocamec kitci sakihitoikw kirika eckam kitci miro totamokw.

Hébreux iriniwok 13:21

Ni nataweritamawaw Kice Manito kitci miritakw kitci kackitaiekw kitci totamekw kaskina ka mirwacik wir e ici nataweritak. Nit aiamihan kaie kitci totak wir e ici nataweritak kitehinak, e miratc Ka Tiperimitokw Cecoc Krist kitci totamiritci, anihi ka iteritakosiritci nespitc kitci icperimakaniwitc! Kekora iki ki.

1 Pien 2:12

Icikowisk ki ka itatisinawaw. Kecpin tca iriniwok aka ka kiskerimatcik Kice Manitowa wapamitakwe e itatisiekw, misawatc kecpin e itactahoritakw kekwariw, kata kiskeritamok peikon mocak e miro totamekw kaie kata mirwatcimewok minawatc takociniritena.