Mark 14:12 - Kice Manito Ocki Omirwatcimowin

¹² Aci nictam ohwe e kicikak e mirwatcitcikatek, “Pakwecikan aka ka opisotc” e icinikatcikatek anihe cota aiamihe makocan, anihe e kicikak e makocaniwok e aiamihe pakitinakaniwitcik maritcenicak kitci ki makocaniwok, Pâque otci, aci kokwetcimiko Cecoc owitcewakana: “Tante e ici nataweritaman kitci ici nta ocitaiak makocan?”

Mark 14:12 Iomraidhean Croise

Matio 3:15

Aci itew Cecoc: “Mirerita patama kitci icinakok. Ekoni meka e actek kitci aitotiskeikw kaskina e ici nataweritak Kice Manito.” Ki tca ici naheritam Capatis kitci sikahatowatc.

Mark 14:1

Mamitcitc nicwo kicko kitci otcitciparinik kitci mawotcihitotcik cota iriniwok kitci aiamihe makocetcik, e mirwatcitcikaterik aniheriw Pâque ka icinikaterik, kaie aniheriw makocaniw otci, “Pakwecikan aka ka opisotc” e icinikaterik, aniki cota makatewokorewok ka tiperitakik kirika ka kiskinohamaketcik cota aiamihe irakonikewiniw natowi totamwakopan kimotc kitci makonakaniwiritci Cecoca, kaie kitci nipahakaniwiritci.

Mark 14:11

Micta mireritamok ani e itikotcik. Itewok kitci miratcik coriariw. Ekoni aci e iti kitciparitc Judas e natowi aitotak mia apitc ke ki pakiterimatc Cecoca, kitci tca makonikoritci anahweriw cota maketekorewa ka tiperitamiritci.

Mark 14:13

Aci nicw owitcewakana iciticahwew Cecoc, e itatc: “Icakw neta otenak. Mekwata e pimoteiekw ki ka nakickowawaw iriniw e miwotatc nipiriw opotak. Nosanehwakw,

Galatie iriniwok 4:4

Aric mia apitc ka iteritak Kice Manito, ki pe iciticahwew Okosa ota askik. Iskwewa ki nitawikihiko. Cota aiamihe irakonikewinik ki tiperitakosiw,