Mark 13:9 - Kice Manito Ocki Omirwatcimowin

⁹ “Aric kirawaw, nanakatcihitisokw! Ki ka iciwirikowawok tipaskonike irinik kitci tipaskonikoiekw. Ki ka macikakowinawaw neta cota aiamihe mikiwamik. Osam e nosanehwiekw, ki ka iciwirikowinawaw okimawok kirika kice okimawok ka ici taciketcik, kaie wirawaw kitci tipaskonitakok. Ani apitc, ki ka tipatcimonawaw ka ki totaman.

Mark 13:9 Iomraidhean Croise

Matio 5:22

Aric anotc nin ki witamatinawaw: kecpin awik wawatc tepirak kiciwasictowate owitcicana, kata kackitamatiso kitci tipaskonakaniwitc. Anahwe ka itatc owitcicana: ‘Ki kiwockwan!’ acteriw kitci tipaskonikotc anahweriw cota iriniwa ‘Ka Kitci Tipaskonikeritci’ ka icinikatakaniwiritci. Anahwe aric ka itatc owitcicana: ‘Tekaci nama wiec kit irapatisin!’ kackitamatiso kitci iciwepinakaniwitc matci ickotek, atamaskamikok ka takonik.”

Mark 1:44

e itikotc: “Wewerita natotaci. Akawir awik arimotamo e ki kikehitan. Aric matca natawapam makatewokorew kitci ki wapamisk. Minawatc ki ka aiamihe pakitinikan, kotc ka ki itactatc Moïse kitci totcikaterik, otcitakotc kitci kiskeritakok aci tapwe e ki kikein.”

Mark 13:5

Itew Cecoc: “Aiekwamisikw aka kitci paskewiritakw awik.

Mark 13:8

Kata mamowinehitowok iriniwok ite kotc e ici aitaciketcik. Peikw okimaw kata nta natoparictawew kotakihi okimawa. Kata kwekon atita e aitaskamikak, kaie kata kokataniwon. Kata micta ariman, mitowi iskwew e iti matce akositc aci kitci wapamawasotc, ekoni ke apitc akosiweritakok.”

Mark 6:11

Kecpin aric aka ici mireritakawe iriniwok otenamiwak kitci tacikeiekw, kekotc aka wi natotakoiekwe, ki ka orowinawaw neta otenamiwak. Ki ka powiparitanawaw kimaskisiniwaw e mirikosiwok. Kata tca kiskeritakoniw arotc e ki totakik.”

Luc Omasinahikan 9:5

Kaskina neta wiec aka e ici mireritakik iriniwok e wapamitakok, orowikw neta otenamiwak. Powiparitakw tca kimaskisiniwaw e mirikosiwok. Kata tca kiskeritakoniw arotc e ki totakik.”

Jean 15:20

Mikaweritamokw anihe ka ki ititakok: ‘Awik ka atoskectaketc nama kirawe kicteritakosiw patok anihi ka tiperimikotc.’ Kecpin ki nekatcihitcik iriniwok, peikon kaie kirawaw ki ka nekatcihikowawok. Kecpin kotakihik ki natotawitcik, peikon tca kaie kirawaw ki ka natotakowawok.

Jean 16:2

Ki ka matceticohokowinawaw cota aiamihe mikiwamik. Wawatc kata takociparin nikotin aniki ke nipahitakw, kitci iteritakik: ‘Ekote ni ke totamak kitci atoskectawakitc Kice Manito.’

Ka ki aitotiskeritci Cecoc otarotakana 21:11

Ni ki pe natawapamikonan. Ki maninamawew Pwara opokotehoniw. Ekoni ka ici takopititisotc, ositik kaie otcitcik, aniheriw pokotehona e ki apatcihatc, kirika ki itew: “Enko ohweriw ka ki itetc Miro Manito: ‘Anahwe iriniw ka opokotehonitc ohweriw, ekoni ke itapikatikotc cota iriniwa nete Jérusalem otenak, minawatc kata iciwiriko nte wiec aka ka cota iriniwiritci kitci tipaskonikotc.’”

Ka ki aitotiskeritci Cecoc otarotakana 7:54

Ka petakik aniheriw Étienna ka ki iteritci aniki Ka Kitci Tipaskoniketcik neta ka tacikewaspan, micta kiciwasipanak. Irinikotc micta kakiceapitecinopanak e apitc kicimikotcik.

Ka ki aitotiskeritci Cecoc otarotakana 9:16

Nin tipirawe ni ka wapatahaw anahwe Saul kaskina ke ici nekatcitatc nin otci.”

Pirip iriniwok 1:29

Ki ki mirikowaw meka Kice Manito kitci atoskectawekw Cecoc Krist, aka tepirak kitci tapwerimekw, kaie aric kitci nekatcitaiekw wir otci.

2 Thessalonique iriniwok 1:5

Ekoni ka otci kiskeritakok tapwe icikowisk e icinakonik otipaskonikewin Kice Manito. Ki ka tca naheritakosinawaw kitci pitakeiekw Okimawinik, anihe wetci nekatcitaiekw.

2 Jean 1:8

Nanakatcihitisokw tca, aka kitci onitaiekw ka ki ici otamirotaiekw, aric ma kitci mirikoiekw kaskina ka ki ici kackitamatisoekw.

Ka ki ici wapatahakaniwitc Jean 1:9

Nin Jean, kiwitcicaniwaw, kaie nin e witcewak Cecoc, mitowi kirawaw. Ki witcewitinawaw, kaskina tapickotc e pimoteikw e arimiparik e tiperimitokw Cecoc Okimawinik, kaie tapickotc e sokikapowiikw. Nin ni ki kipohokowin minictikok Patmos ka icinikatek, e ki pa tipatcimoian Kice Manito otitewin, kaie aniheriw tapwewiniw Cecoc ka ki petatc.

Ka ki ici wapatahakaniwitc Jean 2:10

Akawir koctamokw anihe ke ici nekatcitaiekw. Natotamokw! Matci Manito ki ka kokwetcihikowaw. Kata totam mitcet neta e taciekw kitci iciticohokoiekw kipohotowikamikok. Ki ka nekatcihikowinawaw mitato kickwa irikik. Aka aric ponitakw e asperimototawekw Teperitciketc, misawatc wi nipahikoiekwe. Meckota ki ka miritinawaw ohwe caweritcikan: kakike pimatisiwin.

Ka ki ici wapatahakaniwitc Jean 2:13

Ni kiskeriten ka ici tacikeiekw: neta Matci Manito ka ici apitc okimaw tetapiwakanik. Aric mocak ki pe nosanehwinawaw. Nama ki ki otci wepinenawaw e tapwerimiekw, misawatc Antipas e ki nipahakaniwitc neta kotenamiwak, mocak anahwe ka ki atoskectawitc. Ekota nta kotenamiwak, neta Matci Manito ka ici taciketc.