Mark 13:6 - Kice Manito Ocki Omirwatcimowin

⁶ Mitcet iriniwok kata takociniwok niticinikasowiniw kitci apatcitatcik, kitci tca itetcik: ‘Nin ni anihi ka ki itespan Kice Manito kitci pe iciticohwatc ota askik kitci akwacimiweritci!’ Mitcet iriniwa kata paskewirewok.

Mark 13:6 Iomraidhean Croise

Matio 24:11

Kata mitcetiwok iriniwok arotc ke nikan tipatcimotcik, ke kiraskitcik kitci itetcik: ‘ni tipatcimon Kice Manito otci.’ Mitcet iriniwa kata wecimewok.

Matio 24:5

Mitcet meka iriniwok kata takociniwok niticinikasowiniw kitci apatcitatcik, kitci tca itetcik: ‘Nin ni anihi ka ki itespan Kice Manito kitci pe iciticohwatc ota askik kitci akwacimiweritci!’ Mitcet iriniwa kata paskewirewok.

Mark 13:22

Kata pe takociniwok meka iriniwok ke itekasotcik: ‘Ni ki pe iciticohokw Kice Manito kitci akwacimitakok,’ aka aric tapwe e icinakonik. Kaie kotakihik iriniwok ke nikan tipatcimokasotcik kata pe takociniwok, aka aric tapwe e itotisketcik Kice Manitowa otci. Kata mata kackitawok. Kata matawi aitotamok e natowi aitotakik kitci wikokwe wecimatcik iriniwa ka ki orapamikoritci Kice Manitowa, kecpin e kackitatcik.

Mark 13:5

Itew Cecoc: “Aiekwamisikw aka kitci paskewiritakw awik.

Mark 13:7

Petamekwe pecotcik e mote natoparinaniwok, kaie petakeiekwe e natoparictatonaniwok warawik kotakihi askik, akawir sekisikw. Actew kitci icinakok. Nama aric ni moci kata ponaskiwon.

Jean 5:43

Notawi ni ki mirikw kitci pe icawak ota askik, wir otci. Nama aric ki wi tapwetowinawaw. Kecpin aric kotak awik e iteritak wir tipirawe kitci pe icatc, tecikotc ki tapwetowawaw.

Jean 8:24

Ekoni wetci ki ititakok: ‘Ki ka niponawaw kipactatowiniwak.’ Tapwe meka ki ka niponawaw kipactatowiniwak kecpin aka tapwetamekwe ohwe: Nin ni tan e iteritakosian.”

Jean 8:28

Kiapatc tca itew Cecoc: “Icpinekwe anahwe Ka ki pe iriniwihitisotc, ohwe ki ka nisitowinenawaw: tapwe nin ka icinikatakaniwitc ‘Nin ni tan.’ Kaie ki ka nisitowinenawaw aka kekwan nircike e totaman, tepirak Notawi ka ki ici kiskinohamawitc nit itan.

1 Jean 4:1

Nimiro nikwimesak, aka tapwetowakw kaskina awik ka itetc, “Miro Manito ni miwirikw.” Aric ma kokwetcihakw kitci kiskerimekw e apitc ma tapwe Kice Manitowa miwirikokwen. Mitcetiwok meka arotc ka nikan tipatcimotcik ka ki pa icatcik ota askik e itetcik, “ni nikan tipatcimonan Kice Manito otci,” aka aric tapwe e totakik.