Mark 13:3 - Kice Manito Ocki Omirwatcimowin

³ Ki nta aipiw Cecoc nte matinak Mont des Oliviers ka icinikaterik, tipickotc nte kitci aiamihe mikiwamik e ici takonik, tepirak anahweriw owitcewakana Pien, Cak, Jean kirika Atre e witcewikotc. Aci kokwetcimiko:

Mark 13:3 Iomraidhean Croise

Matio 13:10

Aci pe natawapamiko Cecoc owitcewakana e kokwetcimikotc: “Kekwan wetci apatcitain atisokanicica e kiskinohamawotcik aniki iriniwok?”

Matio 13:36

Minawatc ki matcaw Cecoc neta e mitcetinaniwonik, e pitaketc mikiwamik. Aci pe natcikapowictako owitcewakana, e itikotc: “Witamacinan wa itemakak anihe kitatisokanicic, matci mackociriw e ki kitikaniwonik neta kitikan askik.”

Matio 17:1

Ka ickwa nikotwaso kickokarik, ki matcewirew nicto owitcewakana Cecoc: Pien, Cak acitc Jean (Cak anihi ocima), nte e ici icpatinarik e iciwiratc. Wirancikewaw nete e taciketcik.

Matio 21:1

Apitc ka iti pecowapatakik Jérusalem otenak Cecoc kirika owitcewakana, aci e iti takocikik otenacik Bethfagé, nte matinacik Mont des Oliviers ka icinikatek ka ici takonik, aci nicw neta e taciritci owitcewakana ki itew Cecoc:

Matio 24:3

Cecoc taci aipipan nte matinak Mont des Oliviers. Aci ki pe natcikapowictako owitcewakana, e itikotc: “Witamacinan apitc anihe ke isparik. Tan nta ke otci nisitowinamak kitci takociniin acitc kitci ponaskiwok?”

Mark 10:35

Minawatc Cak kirika Jean, Zébédée anahweriw okosa e niciritci, pe natawapamewok Cecoca, e itatcik: “Kiskinohamake iriniw, ni nataweritenan kitci itotiskein kekocic ninan otci, ohwe ke ici nataweritamatak.”

Mark 13:4

“Witamacinan apitc anihe ke isparik. Tan nta ke otci nisitowinamak apitc mia ke pe iciwepak kaskina ka itein?”

Mark 14:33

Minawatc ki matcewirew anihi Piena, Caka kirika Jeanwa. Aci ki iti micta arimeritam kaie e nekateritak.

Mark 4:34

Nama otci kiskinohamakekopan patoc ko aniheriw e apatcitatc atisokaniciciriw. Aric wircike e tacikespan kirika owitcewakana, aci nta wewerita witamawepan wa itemakanik.

Mark 5:37

Nama kaie awocamec ki otci pakitinam Cecoc kitci witcewakaniwitc. Tepirak ki witcewiko Piena, Caka kirika Jeanwa (Cak anihi owitcicana).

Mark 9:2

Ka ickwa nikotwaso kickokarik, ki matcewirew nicto owitcewakana Cecoc: Pien, Cak acitc Jean, nte e ici icpatinarik e iciwiratc. Wirancikewaw nete e taciketcik. Mekwata e kanawapamikotc, pitoc iti icinakosiw Cecoc.