Mark 13:11 - Kice Manito Ocki Omirwatcimowin

¹¹ “Makonikoiekwe kitci iciwirikoiekw neta tipaskonike irinik, akawir kicatc arimeritamokw e mamitoneritamekw ke ki iteiekw. Apitc witamakoiekwe kitci naskamoekw neta, tepirak anihe ke mirikoiekw kitci iteiekw ki ka itanawaw. Namaiew ni meka kirawaw tipirawe ke aiarimweiekw. Miro Manito ki ka mirikowaw aniheriw mia ke aiteiekw.”

Mark 13:11 Iomraidhean Croise

Matio 10:17

Aiekwamictowakok atita iriniwok. Ki ka meka iciwirikowawok tipaskonike irinik kitci tipaskonikoiekw, kaie ki ka pasakactehikowawok otaiamihe mikiwamiwak.

Mark 13:12

“Atita iriniwok kata pakiterimewok tipirawe octesiwawa kekotc ma ocimiwawa kitci nipahakaniwiritci. Peikon atita ke totawatcik tipirawe onitcaniciwawa. Matci atita awacak kata wepakonewok onikihikowawa, nac kata itotiskewok kitci nipahakaniwiritci.

Mark 13:9

“Aric kirawaw, nanakatcihitisokw! Ki ka iciwirikowawok tipaskonike irinik kitci tipaskonikoiekw. Ki ka macikakowinawaw neta cota aiamihe mikiwamik. Osam e nosanehwiekw, ki ka iciwirikowinawaw okimawok kirika kice okimawok ka ici taciketcik, kaie wirawaw kitci tipaskonitakok. Ani apitc, ki ka tipatcimonawaw ka ki totaman.

Luc Omasinahikan 21:12

Aric epwamoci kaskina anihe pe iciwepak, ki ka makonikowinawaw, ki ka nekatcihikowinawaw. Ki ka iciwirikowinawaw cota aiamihe mikiwamik kitci tipaskonikoiekw, kirika ki ka kipohokowinawaw. Osam e nosanehwiekw, ki ka iciwirikowinawaw okimawok kirika kice okimawok ka ici taciketcik, kaie wirawaw kitci tipaskonitakok.

Jean 3:27

Capatisa itikowok: “Nama kekociciriw kata ki pe otitiko awik, kecpin aka mirikote Kice Manitowa.

Ka ki aitotiskeritci Cecoc otarotakana 2:4

Kaskina ki mockineckakowok Miro Manitowa otehiwak, kaie kotakeriw arimwewiniw ki iti arimwewok, kotc ka ki ici mirikotcik Miro Manitowa kitci kackitatcik e arimwetcik.

Ka ki aitotiskeritci Cecoc otarotakana 3:13

Kice Manito, anahwe ka ki kicterimikotc Abrahama, Isaka, Cakopa kaie kaskina kotakihi kitaniskotape kimocominawa, wir ka ki totak kitci kiskeritakonik oticperitakosiwiniw Cecoca, anihi ka ki atoskectakotc. Aric kirawaw, ki ki pakiterimawaw kitci ki nipahikotc cota okimawa, kaie ki ki wepakonawaw nete kice okimak, Pilate ka icinikasoritci, misawatc wir Pilata e iteritamirispana kitci pakitinaritci.

Ka ki aitotiskeritci Cecoc otarotakana 4:31

Ka ickwa aiamihatcik, neta ka tacikewaspan ka ki ici mawotcihitowaspan ki aiatcipariniw. Kaskina e tacitcik ki mockineckakowok Miro Manitowa, kirika ki pa tipatcimowok Kice Manitowa otitewiniw e sokeritakik.

Ka ki aitotiskeritci Cecoc otarotakana 6:10

Aric nama miskamopanak ke ici acitematcik. Miro Manitowa meka mirikopan miro mitoneritcikaniw anahwe Étienne kitci miro aitetc.

Ka ki aitotiskeritci Cecoc otarotakana 6:15

Kaskina aniki ka apiwaspan neta pitakamik ka ici Kitci Tipaskonikaniwonik kanawapamepanak anihi Étienna. Ki wapamewok e wasikwesoritci, mia aceriw otactamikw e icinakonik.

Ka ki aitotiskeritci Cecoc otarotakana 7:55

Aric wir Étienne mockineckakopan Miro Manitowa. Itapipan wakwek. Ki wapatam Kice Manitowa oticperitakosiwiniw, kaie ki wapamew Cecoca e nanipowiritci onihiwinik Kice Manitowa.

1 Corinthe iriniwok 2:13

E aiarimotamak tca anihe, nama nit apatcitanan itewina ka ici kiskinohamaketcik iriniwok ota askik, wirawaw tipirawe omitoneritcikaniwaw e apatcitatcik, aric nit apatcitanan itewin ka kiskinohamawimitc Miro Manito. Ekoni tca e ici kiskinohamawakitcik iriniwok ka ki pitciteheckakotcik Miro Manitowa, Kice Manito otapwewin e arimotamak.

Éphèse iriniwok 3:5

Weckatc otananik nama awik ki otci witamawakaniwikopan aniheriw. Aric anotc Kice Manito ki witamawew anahweriw otarotakana acitc anahweriw ka nikan tipatcimoritci e kitcitwawisiritci, Omiro Manitoma e ki totak.

Cak ka ki pe ici masinahiketc 1:5

Kecpin aric peikw neta e taciekw aka kiskeritake ke totak, miro mitoneritcikaniw kata nataweritamawew Kice Manitowa kitci kiskeritak. Kata tca miriko. Mictahi meka caweritcikew Kice Manito e micta mirotehetc, kaskina awiriw e wi miratc aniheriw ka ici nataweritamakotc.

1 Pien 1:12

Kaie ohweriw ki witamawew Kice Manito anahweriw ka ki atoskectakotc e nikan tipatcimoritci, aka wirawaw otci aniheriw tipatcimowiniw ka ki mirakaniwitcik kitci tipatatakik, aric kirawaw otci. Aci ki ki witamakowinawaw anihe tipatcimowin, aniki anotc ka pa tipatatakik Mirwatcimowiniw e ki witamatakok. Ka aiarimotakik aniheriw, Miro Manitowa ki mackawisihikowok, wakwek e ki pe otci iciticohwakaniwiritci. Wawatc aceriwok wirawaw tipirawe kata sakitapanak kitci nta kiskeritakik aniheriw Mirwatcimowiniw.